Sərbəst iş Fənn: İaşə Məhsullarının Texnologiyası Kurs: İT-019

Tərkibi:


1 kq qiymə (quzu əti və ya mal əti)
180 qr soğan
180 qr quyruq
0,5 xörək qaşığı zirə
1 xörək qaşığı keşniş
0,5 çay qaşığı istiot
1 çay qaşığı duz
0,5 xörək qaşığı bitki yağı
Hazırlanma qaydası:


İlk öncə quyruğu və soğanı çox xırda doğrayın. Bir qabda qiymənin üzərinə xırda doğranmış quyruq, soğan, üyüdülmüş zirə, xırda doğranmış keşniş,duz və istiot əlavə edib yaxşıca qarışdırın. Təxminən 10 dəqiqə əllə yaxşıca yoğurun. Hazırladığınız qiyməni 2-3 saatlıq soyuducuya yerləşdirin. Saatın tamamında qiymədən 100 qr ağırlığında kotletlər hazırlayın. Çöp şişi hazırladığınız kotletlərə keçirərək lülə kabab forması verin. Tavanı bitki yağıyla azca yağlayıb lülə kababları tavaya yerləşdirin. Arabir çevirərək kababları bişirin. Hazır lülə kababları göyərti, halqa doğranmış soğanla süfrəyə verə bilərsiniz.
Lülə-kabab. Qoyun əti soğanla və quyruqla birlikdə ətçəkən maşından ke- çirilir. Sonra ona duz və istiot vurulur qarışdırılır, 20 dəqiqə soyuq yerdə saxlanır. Çəkilmiş ət lülə şəklində formalanıb şişlərə taxılır. Lülə-kababı şişə taxarkən əlləri duzlu suya batırmaq lazımdır. Lülə-kabab manqalda közərmiş kömür üzərində bişirilir. Bərabər qaydada qızarsın deyə, şişlər arabir çevrilir. Lavaş hazırlamaq üçün un ələnir, içinə su və duz qatılıb bərk xəmir yoğrulub və dərin boşqab ölçüsündə 1mm qalınlıqda yayılır. Lavaşın hər iki üzü tavada və ya sacda bişirilir.
Lülə-kabab lavaşın içində süfrəyə verilir və bunun yanına doğranmış soğan, sumaq, yaxud hər pay üçün şişdə bişmiş pomidor qoyulur.
Hər pors üçün burada 300q qoyun əti, 20q quyruq yağı, 40q göy soğan, 15q reyhan və cəfəri 45q un və 5q duz götürülür.
Kələm dolmasının hazirlanması və süfrəyə verilməsi.


Qoyun ya da mal əti soğanla maşının iri gözündən keçirilir, içinə xırda-xırda doğranmış nanə, şüyüd, keşniş, arıtlanıb yuyulmuş düyü, ət yağsızdırsa ərinmiş yağ, duz, istiot (bəziləri narşərab, ya da tomat-pasta da qatılır) qatılıb qarışdırılır. Kələm dolmasına duz bir qədər artıq qatılır.
Kələmin özəyi çıxarılır və qaynar suya salınır. Yumşaldıqdan sonra kələm sudan çıxarılır, yarpaqların damarı kəsilir və bir neçə yerə bölünür. Əvvəlcədən hazırlanmış ət, kələm yarpağına uzunov formada bükülür və səliqə ilə qazana yığılır. Üzərinə bir neçə iri kələm yarpağı səpilir, qaynar su tökülüb, oda qoyulur.
Hazır olmağa az qalmış onun üzərinə ya nar sıxılır, ya da yağda qızardılır suda açılmış tomat-pasta tökülür. Süfrəyə verəndə kələm dolmasının üzərinə göyərti səpilir və bəzən sarımsaqlı qatıq qoyulur.