Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Кадрда тун ўтиб, тонг отгани Отбивкаси берилади...
8 – ЭПИЗОД.
Кадрда Имонанинг уйи.
Эрталаб Саид кўйлаги тугмасини тақяпти. Эгнига Имона берган костюмини илади. Имона эркаланиб: Саид ака, бирга ишга бормаймизми?
Саид: Директорни рафиқаси ҳам фаррошлик қиладими, жоним? Энди сен уйда мен келишимга ширин таомлар пишириб, тезроқ ҳомиладор бўлиб, менга оталик бахтини насиб қилиб ўтирасан. Сен шу дақиқадан бошлаб ишдан бўшатилдинг, директор буйруғи билан... деб иккиси кулишади.
Имона: Розиман. Фаррошлик ўзимниям жонимга текканди. Лекин шу касбим орқали бахтимни топдим, ўзингга минг шукур. Бугун нима овқат қилиб қўяй?
Саид: Сен тайёрлаган ҳар қандай овқат мен учун энг ширин таом бўлади. Энди жоним келишиб олийлик. Мен кундуз куни ҳоҳлаган пайтинг сени олдингда бўламан. Лекин кечқурунга ҳозирча қололмайман. Чунки онам билан яшайман. Онам келинларини яхши кўрардилар. Ҳозир уйланиб олганимни эшитсалар, қиёмат қойимни бошлайдилар. Уларга секин болали бўлганимиздан кейин айтамиз.
Имона: Хўп бўлади, Саид ака, сиз нима десангиз шу.
Саид уни сочларини силаб: Ўзимми ақллигим, шунинг учун ҳам юрагим сени танлади-да. Никоҳимиз ҳақида ишхонадагиларга ҳам ортиқча гап сўз қилиб юрма. Ишдан бўшадим, бошқа ерда ишлаяпман дегин холос.
Имона: Хўп бўлади бегим, яхши ишлаб келинг. Мендан хавотир олманг, рўзғорим бут бўлгандан кейин кўчага умуман чиқмайман. Сизни интизорлик билан кутиб ўтираман.
Саид кулиб, Имонани бурнини чимчилаб қўйиб: Шириним... деганча чиқиб кетади. Имона ўзига-ўзи жилмайиб: Эрни ишга кузатиш шунақа завқли бўлади деб ўйламагандим... ЗТМ...
Кадрда титр берилади: Орадан ойлар ўтди...
9 – ЭПИЗОД.
Кадрда кечқурун. Саид ва Сарвинозни ётоқхонаси.
Иккиси ухлашяпти. Бирдан Саиднинг қўл телефони жиринглайди.
Иккиси уйғониб кетади.
Саид: Оббо тинчликмикан? Шу пайтда Имона телефон қиляпти.