Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Имона йиғлаб юбориб: Нималар деяпсиз? Қанақасига туғиб келганимга бир ой ҳам бўлмаган бўлсада сизга ҳиёнат қилиб, ўйнаш орттиришим мумкин.
Саид: Қўшнилар айтгандия, уйингиздан бир эркакни икки уч марта чиқиб кетганини кўрдим деб. Менга қара, менга эрини кўзига чўп суқадиган, олдида эркалаб, ортидан ҳиёнат қиладиган сендек ифлос керакмас!
Имона йиғлаб: Илтимос, менга ишонинг, Саид ака. Мен сизга ҳиёнат қилмадим. Болам ҳаққи қасам ичаман.
Саид уни бир шапалоқ уради: Боламга касрингни уришини ҳоҳламайман. Боламни номини тилингга олма. Сендек ифлос билан яшамайман, шу ондан бошлаб уч талоқсан, уч талоқ, уч талоқ.
Имона йиғлаганча: Ундай деманг илтимос, энди туғилган боламни етим қолдирманг, Саид ака илтимос.
Саид тишларини ғижирлатиб: Боламни? Сен ифлосга берадиган болам йўқ. Сен боламга ҳаром қўлларингни теккизмайсан... деганча уй ичига кириб кетади-да, тезлик билан йўргакка ўралган қизча чақалоғини олиб чиқади ва тез кўча томонга юриб кетади.
Имона йиғлаганча Саидга осилади: Боламни беринг, у мени қизим.
Саид: Агар овозингни ғинг деб чиқарсанг, маҳаллангда номингни бузуқига чиқариб, шармандангни чиқараман. Агар болани кетидан борсанг, соғ қўймайман билиб қўй... деганча важоҳат билан чиқиб кетади.
Имона эса сочларини юлганча йиғлаб қолади... ЗТМ...
11 – ЭПИЗОД.
Кадрда Саиднинг уйи.
Хонага чақалоқ қизчани кўтарганча Саид кириб келяпти.
Уни Сарвиноз кутиб олади: Саид ака қизалоғимни опкелдингизми?
Саид унга чақалоқни тутади: Сарвиноз, бу - қизимиз Малак.
Сарвиноз хурсанд бўлиб, кўзлари ёшланиб уни қўлига оларкан: Малак, жоним мени, мен сени онангман, ўзимни шириним, эркатойим. Сени еру -кўкка ишонамай ўзим катта қиламан болам... деб чақалоқни тўйиб ҳидлайди: Ҳидларингдан сени... Чақалоқ йиғлаб юборади: Қорнинг очидими сени? Ҳозир сенга кашаларингни тайёрлаб қўйганман. Юрақол, ўзим сени овқатлантираман... деганча чақалоқни хонадан опчиқиб кетади.