Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Саид йиғлаб юборади: Имона, бир пайтлар мен сени қақшатиб, туҳматлар билан қизингни тортиб олгандим. Энди сендан илтимос қиламан, қизимни ўзингга келин қилиб обкет. Мендан кейин қизимиз бировларга хор бўлмасин. Етимликнинг азобини сенчалик ҳеч ким билмайди... деб икки қўлини илтимос қилгандек бирлаштириб: Мени кечир, қизингни ўзингга қайтараман, мени кечир, илтимос... деб йиғларди.
Шу пайт хонага чойнакда чой ва пиёлаларни кўтарганча Севинч кириб келади. Бу пайтда эса Имона ўрнидан турган, кўзлари жиққа ёшда қизини бағрига олиб қучоқлайди, лаблари пичирлаб: Қайтиб келган болам ўзимни, ўзингга минг шукур... ЗТМ...
20 – ЭПИЗОД.
Кадрда остона олдига чиққан Имона ғалати аҳволда чиқади.
Уни кузатиб чиққан Севинчни яна бағрига босиб, маҳкам қучоқлайди ва аста: Она қизим, мен келаси сафар фотиҳа патирларини опкеламан... деганча юзларидан ўпади.
У машинани олдига бориб: Умиджон, болам, мен бироз пиёда юргим келяпти, сен ишингга боравер.
Умид: Йиғладизми ойижон?
Имона: Йўқ болам, қизни дадасини аҳволига ачиндим холос.
Умид кулимсираб: Ишқилиб танлаган қизим ёқдими, ойижон?
Имона кўз ёшларини артиб: Ёқди болам, жуда ёқди. Илоҳим бахтли бўлинглар... деганча катта маҳалла кўчаси бўйлаб пиёда кўзлари ёшда кетарди. Имона ичида ички монолог: Дунёнинг ишларни қаранг. Бир пайтлар мендан боламни тортиб олган одам, энди ялиниб қайтариб беряпти. Оллоҳим бунча ҳам чеварсан а? Сени ҳар бир кароматинг бежиз эмас. Фарзандларимни қайтариб, бағримни тўлдирганинг учун сенга минг шукр, Яратган эгам! Ўзингга ҳамду санолар бўлсин!... деганча йиғи аралаш кулимсираб кетарди... ЗТМ...
Кадрда кўрсатув ижодкорлари титри берилади.
Т А М О М