Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

2. Имона уйи учун шу хонадоннинг энг оддийроқ бир хонаси ва оддий бир дарвозанинг ташқари точкаси ва ичкари ҳовлиси бирров ишлатилади.
3. Офис хонаси.
4. Ахлатхона ичкариси ва идиши атрофи.
5. Маҳалла кўчаси. 6. Машина ичкариси.
7. Учрашув учун чиройли боғ точкаси.


САҲНАЛАШТИРИЛГАН ЛАВҲАЛАР:
1 – ЭПИЗОД.
Кадрда Офис хонаси.
Хонадаги иш столида директор лавозимидаги Саид иш билан машғул ўтирибди. Телефони жиринглайди.
Саид: Лаббай дадажон, ассалому алайкум.
Қайнотасини овози: Алло Саиджон, яхшимисиз ўғлим? Уйда нима гаплар бўляпти? Кеча қизим бир ўлимдан қопти. Онаси шундай деб қолди. Бу нимаси куёвбола?
Саид ранг ўчиб: Дадажон, узр, қизингизни бундай қилиши етти ухлаб тушимга кирмаганди. Мен бир оғиз ҳам қизингизни юзига туғмаяпсан деган таънани солганим йўқ худо ҳаққи.
Қайнотани овози: Айтмасангиз ҳам, қилиқлариз, киноялариз билан қизимни юрагига зарба бергансиз. Бўлмаса қизим ўз ўзидан томирини қирқмайди. Билиб қўйинг ўғлим, ёлғизгина шу қизим мени ҳаётим, умрим чироғи. Шу қизим учун ҳам сизни юқори мартабаларга кўтариб қўйганман. Уни бир тола сочи тўкилса мендан яхшилик кўрмайсиза.
Саид: Биламан дадажон. Хавотир олманг, буёғига ўзим кўз қулоқ бўламан. Келийлар уйга... деб хайрлашиб телефонни қўяди.
Саид ичида: Ҳар гал телефон қилганда менга ўтказиб қўйган бойликларига, бериб қўйган лавозимига таъна қилади. Билмайдики қизини чин дилдан яхши кўраман, бўлмаса бу бойликларига ҳам тупуриб, аллақачон бошқасига уйланиб кетган бўлардим. Аҳмоқ хотин, 10 йилдан бери чидаб, кутиб ўтириб, энди ўзини жонига қасд қилиш эсига кеб қолганини. Дугоналари гап билан узиб олишгандирда. Аламига чидолмай шу ишни қилган. Аҳмоқ, отасини олдида мени шарманда қилди... Нимадир қилиш керак. Ахир умр ўтиб кетяпти. Менам туғмас хотинимми деб боласиз ўтиб кетолмайманку, лекин ажрашиб ҳам кетолмайман.. деб турса хонага эскироқ кийиниб олган қўлида швабрасини кўтарганча Имона кириб келяпти.