Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Имона атрофга қараб, ичида: Яқин атрофда балки онаси беркиниб тургандир. Номард ахлатхонага ҳам ташлайсанми, жуда бўлмаса ,болалар уйи эшиги тагига ташламайсанми? Буни онасиям ҳаётда менга ўхшаб алданиб қолган қиз бўлса керак. Бу менга худойимнинг юборган мўъжизаси бўлса керак... деганча чақалоқни бағрига босганча тез қадамлар билан кетарди: Эй худойим, болага ўзингни раҳминг келсин, уни жонини сақлаб қолгин. Бу болани менга етказганинг учун ўзингга минг шукур яратган эгам... деганча қадамларини тезлатиб кетарди. Йўргакдаги чақалоқнинг эса инграб йиғлаётган овози эшитиларди... ЗТМ...
14 – ЭПИЗОД.
Кадрда Имона ўз уйини хонасида.
Чақалоқни кроватига қўйганча ифлосроқ йўргагидан ечяпти. Кейин баданини сочиқни хўллаб артиб, қизчасини кичик кийимларини унга кийгизяпти. Чақалоқ ўғил бола бўлади.
Имона кўзари порлаб: Жоним болам, ҳафа бўлмайсан менда ўғил болаларнинг кийими йўғийди. Сенга ҳозирча қизалоғимни кийимларини кийдириб тураман... деганча болачани кийинтиради. Қорни очганидан оғзини тинмай очаётган болакайга қараб кулимсираб: Қорнинг очдими? Ҳозир сени овқатлантираман... деганча бағрига босиб худди уни эмизаётгандек ушлаб олади. Болага эса бу пайтда бутилкасида кадрда кўрсатилмай сут берилган, боланинг пишиллаб эмаётгандек овози эшитилади.
Имона болани юзига қараганча, кўзлари ёшланиб: Оллоҳим, ўзинг берган боламни насибасини бошқа бир гўдакка ҳам етказганинг учун, она сутимни кетказмаганинг учун ўзингга минг шукур... Сен мени ҳаётдаги умидимсан, болам. Сени исминг Умиджон бўлсин, Умиджоним ўзимми. Сени топиб олганимми ҳеч кимга айтмайман. Қўшниларим яқинда она бўлганимми билишади. Ҳеч кимни ҳаёлига келмайди. Сен фақат меникисан болам, фақат меники... ЗТМ...
15 – ЭПИЗОД.
Кадрда немой саҳналар.
Имона ўғил болачани бешикда тебратиб ўтирибди. Бола пишиллаб ширин ухлаяпти. Олдига кўрпача солганча Имонани ўзи ҳам ухлаяпти. Бола сал безовталаниб, йиғласа дарров кўзини очади, яна бешикни тебрата бошлайди. Кадр бир айлантирилиб, Имона чақалоқни кўтарганча хонада ўйнатяпти. Болача қиқирлаб куляпти. Уни осмонларга кўтарганча, айлантиряпти. Бу болага ёқиб, кулиб қўйяпти.