Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

6 – ЭПИЗОД.
Кадрда Саид уйида.
Саид хотини Сарвиноз билан ўтирибди.
Сарвиноз эркаланиб: Сизни фаррош қизингиздан рашк қиляпман, Саид ака.
Саид: Уни нимасидан рашк қиласан жоним. У сени тирноғинггаям арзимайди. Ахир келишдик-ку. Бу ҳаммаси вақтинча. Қилаётганим иккимизни тўкис бахтимиз учун. Бошқа иложимиз йўқ. Имона энг яхши кандидат.
Сарвиноз: Ишқилиб у билан никоҳ ўқитиб олиб, ёшгина жувон ёқиб қолиб, мендан айниб кетмайсизми?
Саид хотинини юзларини силаб: Ўлсам ҳам сендан айрилмайман. Ўша фаррош нима бўпти, бутун дунё гўзалларини бир томонга қўйиб, сени бир томонга қўйганда ҳам сени танлайман жоним.
Сарвиноз уни елкасига бошини қўйиб: Сизни яхши кўраман, Саид ака. Ишқилиб режангиз бешикаст амалга ошсинда. Майли борақолинг. Келинбола кутиб қолмасин. Саид кулимсираб хотинини юзидан бир чимдиб қўйиб чиқиб кетади... ЗТМ...
7 – ЭПИЗОД.
Кадрда Имонанинг эски оддий хонадони хонаси.
Имона уйларини тартибга солиб, дастурхон устига нимадирларни қўйиб, безатгандек бўляпти. Имона онасини расмига қараб: Ойижон, бугун қизингизга никоҳ ўқилади. Мендан ранжиманг. Саид ака яхши инсон. Анча йилдан бери уни қўл остида ишлайман. Бирор марта ёмонлигини кўрмадим. Охирги пайтлар эса маошимниям оширди, кун кунора рўзғоримни тўлдириб кетяпти. Майли ҳозирча бировдан беркиниб, иккинчи хотин бўлиб турсам ҳам, ҳадемай ажрашиб бўлгач уни ҳақиқий рафиқасига айланаман. Ойижон, тўғрисини айтсам, ўзим ҳам Саид акани ёқтириб, ҳатто севиб қолгандим. Уни бу таклифи эса худди қалбимдаги оташин севгимни оловлантириб юборди. Қизим оқ кўйлак киймаяпти деб ўксинманг. Сиз, отам бўлмагандан кейин ким учун оқ кўйлак кияман. Майли, келин кўйлаксиз ҳам бахтли бўлсам бўлди онажон... деганча кўзлари ёшланиб, йиғлаб турарди. Аста расмни жойига қўйиб, ўрнидан туради ва бошига бирорта чиройли рўмолни ташлаб, ўзини кўзгуга солиб, худди келинлардек эгилиб тавозе билан уч марта салом қилади. Кўзларидан эса бахт ёшлари оқарди... ЗТМ...