Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Саид ўзига-ўзи: Биринчи қармоқ ташланди... деганча тиржаяди... ЗТМ...
4 – ЭПИЗОД.
Кадрда кўча. Ишхона атрофидаги кўча.
Саид машинасида ўтирибди. Офис биносидан Имона чиқиб келяпти. Эгни юпунроқ. Совуққотганидан ғужанак бўлганча кетяпти. Уни кутиб турган Саид секин машинасида ортидан юриб, йўлидан чиқади ва уни туртиб юборай дегандек тўхтатади.
Саид: Ҳой, кўзингизга қарасангиз бўлмайдими?
Имона кўзлари катта очилиб: Узр. Вой, Саид ака, сизмисиз?
Саид: Имонахон сизмидиз? Хаёл қаёқда эди, туртиб кетай дедимку.
Имона: Минг бора узр, кўрмай қолибман.
Саид: Уйгами?
Имона: Ҳа.
Саид: Ўтиринг ташлаб ўтаман.
Имона: Вой йўқ, раҳмат, уйим яқин.
Саид: Намунча қўрқасиз, сизни еб қўярмидим, ўтиринг совуқда юрасизми, эгниз ҳам юпунроқ экан.
Имона бўйсуниб ўтиради: Раҳмат.
Саид турганча хотинига СМС юборади.
Саид ҳам энди ўтириб, юрмоқчи бўлганда телефони жиринглайди.
Саид номерга қараб: Уф жодугар, ишдаям тинч қўймайди. Алло, нима дейсан?
Телефондан эса хотинининг шанғиллаб эрини бир тийинга олмай, менсимай бақираётгани эшитилиб турарди.
Хотини Сарвинозни овози: Менга қаранг, қачонгача мени алдаб ушлаб турасиз. Мен отамникига кетаман. Сизга ўхшаган туғдиролмайдиган эркак биан яшаганимдан кўра ит боқиб бир ўзим яшаганим яхши. Ё жавобимни беринг, ёки шундоқ ҳам кетавераман.
Саид: Сарвиноз шу гапни уйга борганда гаплашсак бўлмайдими?
Сарвинозни овози: Сизни турқингизниям кўргим келмаяпти. Мен учун сиз ҳеч киммассиз. Топган пулиз ҳам бошингизда қолсин. Мени пуллариз, тилла тақинчоқлариз билан ушлаб тураман деб хомтама бўлманг. Бўлди, менга телефон ҳам қилманг, ортимдан ҳам борманг... деганча телефонни ўчириб қўяди. Саид индамай оғир хўрсиниб қўяди. Кейин жимгина машинасини ҳайдаб кетади. Имона эса ойначасидан унинг бир нуқтага қараб кетаётган мунгли кўзларига боқиб, Саидга раҳми келади: Хотини аҳмоқ экан. Бечора кечаю кундуз оилам деб ишласа, бошқа раҳбарларга ўхшаб аёлларга ёмон кўз билан қараганини ҳам кўрмаганман. Жуда илтифотли, вазмин, ақлли инсон. Шундай эрни қадрига етмаса кўр бўлади... ЗТМ...