Сценарий муаллифи: Донохон Хамидуллаева Ҳам муаллиф: Шоирахон Рустамова Режиссёр: Шохрух Ҳайдаров

Сарвиноз йиғлаб, бошини эрининг елкасига қўйиб: Биламан, лекин шундай ҳам юравермаймиз-ку. Ҳайҳотдек уйда битта боламиз бўлмаса. Ёки болалар уйидан асраб олайлик десам кўнмайсиз.
Саид: Бу уйда юрса фақат ўзимни болам юради, бегона ота онасини тайини йўқ болани бола қилиб олиш ниятим йўқ.
Сарвиноз: Сиз бошқага уйланмасангиз, мен туға олмасам болангиз қаердан бўлади.
Саид ўйланиб туриб: Агар сен кўнсанг, бир режам бор.
Сарвиноз: Режа? Қандай режа экан?
Саид хотинига немой кадрларда тушунтириб кетади. Сарвиноз қотиб қолади, бошини силкитиб йўқ, мен розимасман ишорасини қилади. Саид унга яна бир бор тушунтиряпти. Охири Сарвиноз йиғлаб, йиғлаб рози бўлади. Саид хотинини елкасидан қучади... ЗТМ...
3 – ЭПИЗОД.
Кадрда Саидни офиси. Эрта тонг.
Имона директор хонасини тозалаяпти. Тез-тез чангларини артяпти. Уни эшик ортида турган Саид кузатиб турибди. Имона ишни тоза, тез бажаряпти. Бироздан кейин Саид хонага кириб келади: Ҳорманг, Имонахон.
Имона: Ассалому алайкум, Саид ака, яхши келяпсизми?
Саид бўйиндаги галстугини сал бўшатиб, ўзини ўта сиқилганга
солиб: Қанақа яхши келиш мумкин бу бойвачча тантиқ хотинни дастидан?! Шунча йилан бери битта болаям эплаб туғиб беролмайди-ю, яна қонимни ичгани ичган. Менам дунёга келиб, нима рўшнолик кўрдим? Шу инжиқ, дангаса, қўпол, туғмас хотин билан ўтиб кетяпман. Имона индамай қолади.
Саид: Узр ўзимми муаммоим билан сизниям бошингизни қотирдим. Мана бу бу ойнинг ойлиги... деганча анчагина пул беради.
Имона: Лекин Саид ака, бу ерда жуда кўп. Мен бунча пулни ололмайман.
Саид: Олаверсангизчи, чин кўнгилдан беряпман. Кам-кўстизга ишлатарсиз. Эгнизга чиройлироқ кийим олинг. Фаррош бўлсангиз ҳам нуфузли компанияда ишлайсиз. Бундан кейин шунча ойлик оласиз. Меҳнатиззи қадрлашни ўрганинг.
Имона хурсанл бўлиб: Раҳмат сизга каттакон. Албатта чиройли кийим оламан... деганча хонадан чиқиб кетади.