Савол: Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг

Савол:
Вазиятга ҳуқуқий баҳо беринг.
Ўзбекистон Республикаси Конституциясининг 18-моддаси ва 54-моддасиларини таққослаган ҳолда мазмун-моҳиятини муҳокама қилинг?


Муаммоли савол


Конституция ва қонуннинг устунлиги деганда нимани тушунасиз?
17-масала
Фуқаро А.Акбаров ўзига тегишли бўлган ер участкасини фуқаро В.Саидовга 35 минг АҚШ долларига сотиб юборди. Ушбу ер участкасининг ҳужжатларини расмийлаштириш жараёнида давлат ҳокимияти идоралари ушбу олди-сотди шартномасини амалга оширишга тўсқинлик қилди. Ер умумбойлик сифатида унинг эркин олди-сотди қилиниши тақиқланди. А.Акбаров эса ушбу ер участкаси мулк қилиб берилганлигини, унга нистабан мулк ҳуқуқи мавжуд бўлиб, уни тасарруф этиш ҳуқуқи ҳам мулк ҳуқуқининг элементи сифатида унга тегишли эканлигини келтириб судга мурожаат қилди.
Савол:
Вазиятга ҳуқуқий баҳо беринг.
Фуқароларнинг ерга бўлган мулк ҳуқуқи қандай элементлардан иборат эканлигини муҳокама қилинг.


Муаммоли савол
Вазирлар Маҳкамаси томонидан конституция нормаларига номувофиқ қарор қабул қилинса, ушбу масала қандай ҳал этилади?


18-масала
Туркманистон Республикаси фуқароси К.Авезов Хоразм вилояти Хонқа тумани ИИБ бошлиғи А.Очилбековга Ўзбекистон Республикаси фуқаролигини қабул қилишни сўраб мурожаат қилади. Фуқаро ўз мурожаатида Ўзбекистон Республикасида туғилганлигини, унинг ота-онаси ва яқин қариндошлари Ўзбекистон Республикаси фуқароси бўлиб, шу ерда яшашлигини асос қилиб келтирган. Шунингдек, “Ўзбекистон Республикасининг фуқаролиги тўғрисида”ги қонунининг 17-моддаси иккинчи қисми 2-банди иккинчи хатбошига мувофиқ, фуқароликка қабул қилиш шартлари ушбу шахсга тааллуқли эмаслигини қайд этди. Хоразм вилояти Хонқа тумани ИИБ бошлиғи А.Очилбеков бошлиғи эса ушбу мурожаатни рад этди.
Савол:
Вазиятга ҳуқуқий баҳо беринг.