Савол: Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг

Савол:
Вазиятга ҳуқуқий баҳо беринг.
Юқоридаги холат бўйича М.Ф.Й.нинг ваколатларини муҳокама қилинг. Эгасиз мол-мулкни тасарруф этиш тартиби ва қоидаларини ёритиб беринг.


Муаммоли савол
Ўзбекистон Республикасида яшовчи афғон миллатига мансуб шахс, ФҲДЁ органига мурожаат қилиб янги туғилган фарзанди исми ва фамилиясини миллий-тарихий анъанага мувофиқ ёзишни талаб қилди. Шахснинг ҳаракати тўғрими? Жавобингизни асосланг.


11-масала.
Туркманистон Республикаси фуқароси К.Авезов Хоразм вилояти Хонқа тумани ИИБ бошлиғи А.Очилбековга Ўзбекистон Республикаси фуқаролигини қабул қилишни сўраб мурожаат қилади. Фуқаро ўз мурожаатида Ўзбекистон Республикасида туғилганлигини, унинг ота-онаси ва яқин қариндошлари Ўзбекистон Республикаси фуқароси бўлиб, шу ерда яшашлигини асос қилиб келтирган. Шунингдек, “Ўзбекистон Республикасининг фуқаролиги тўғрисида”ги қонунининг 17-моддаси иккинчи қисми 2-банди иккинчи хатбошига мувофиқ, фуқароликка қабул қилиш шартлари ушбу шахсга тааллуқли эмаслигини қайд этди. Хоразм вилояти Хонқа тумани ИИБ бошлиғи А.Очилбеков бошлиғи эса ушбу мурожаатни рад этди.
Савол:
Вазиятга ҳуқуқий баҳо беринг.
Ўзбекистон Республикаси фуқаролигини қабул қилиш тартибини муҳокама қилинг.


Муаммоли савол
Халқ - давлат ҳокимиятининг манбаи бўлиши мумкинми? Фикрингизни изоҳлаб беринг.


12-масала
2013-2014 ўқув йилининг бошланиши муносабати билан Юнусобод туман 258-мактабда ўтказилган байрам тадбирида давлатимиз байроғи кўтарилиб, мадҳияси куйланди. 8-синф ўқувчиси Б. ва А. давлат мадҳиясини куйлаш чоғида дўстлари билан келишган ҳолда чап қўлини ўнг кўксига қўйиб, мадҳиянинг иккинчи тўртлигидаги “бағри кенг ўзбекнинг ўчмас иймони” сўзларини “бағри тор ўзбекнинг иймони йўқ” тарзида куйлади. Буни эшитган синф мураббийси уларни мактаб директори ҳузурига олиб кирди ва бунга нисбатан чора кўришни талаб қилди. Ўз навбатида, мактаб директори ҳуқуқни муҳофаза қилувчи органларга мурожаат қилди.