Савол: Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг

1-масала.
Ўзбекистон Республикасининг Конституцияси 94-моддасига кўра Ўзбекистон Республикасининг Президенти Конституцияга ва қонунларга асосланиб ҳамда уларни ижро этиш юзасидан республиканинг бутун ҳудудида мажбурий кучга эга бўлган фармонлар, қарорлар ва фармойишлар чиқаради. Ўзбекистон Республикасининг Конституцияси 98-моддасида эса Вазирлар Маҳкамаси конституциявий нормалар доирасида ва амалдаги қонун ҳужжатларига мувофиқ Ўзбекистон Республикасининг бутун ҳудудидаги барча органлар, корхоналар, муассасалар, ташкилотлар, мансабдор шахслар ва фуқаролар томонидан бажарилиши мажбурий бўлган қарорлар ва фармойишлар чиқариши белгилаб қўйилган. Ўзбекистон Республикасининг “Норматив-ҳуқуқий ҳужжатлар тўғрисида” янги таҳрирдаги Қонуннинг
5-моддасида норматив-ҳуқуқий ҳужжатларнинг тури сифатида Ўзбекистон Республикаси Президентининг Фармонлари, Қарорлари ва Фармойишлари санаб ўтилгани ҳолда, Вазирлар Маҳкамасининг фақат қарорлари келтириб ўтилган. Вазирлар Маҳкамасининг фармойишлари эса норматив-ҳуқуқий ҳужжатнинг тури сифатида келтирилмаган.
Савол:
Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг.
Мазкур ҳолатни қонун ҳужжатлари ёрдамида муҳокама қилинг.


Муаммоли савол
Конституциявий ҳуқуқ уч хил маънода қўлланилади, улар қайсилар? Ҳар бирини тавсифлаб беринг.
2-масала.
Ўзбекистон Республикасида Бош вазири буйруғига кўра, 1993 йил январдан бошлаб мамлакат ҳудудида фавқулодда ҳолат эълон қилинди. Шу давр оралиғида Ўзбекистон Репсубликаси Марказий сайлов комиссияси томонидан мамлакат ҳудудида референдум эълон қилинди. Аммо референдумга қўйилган масала аҳоли орасида норозиликка дуч келди. Республика фуқаролари ушбу масалага қарши ташвиқотлар олиб бордилар. Натижада фавқулодда ҳолат пайтида ташвиқот ва намойишлар олиб борганликда айбланиб 50 нафар фуқаро жавобгарликка тортилди.
Савол:
Вазиятга ҳуқуқий баҳо беринг.