Савол: Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг

Савол
Вазиятга ҳуқуқий баҳо беринг.
Ўзбекистон Республикасининг маҳаллий давлат ҳокимияти ва бюджет масалалари тўғрисидаги қонунчилик асосида Кенгашнинг мазкур қарорини муҳокама қилинг.
Муаммоли савол
Ўзбекистон Республикаси Конституциясига шу пайтгача неча маротаба ўзгартириш ва қўшимчалар киритилди ва уларнинг қисқача мазмуни нималардан иборат?


7-масала.
2015 йилнинг 24 декабр куни Бухоро вилояти Когон тумани ҳокими Ш.нинг қарорига асосан, шу ҳудудда жойлашган 50 г. ер майдони фуқаро У.Саидовга уй-жой қуриш учун ажратиб берилди. Сўнг фуқаро У.Саидов ўзи учун ажратилган ер майдонига кўчмас мулк иморатини қуришни бошлади ва ниҳоясига етказди. Қурилиш тугалланганидан сўнг эса туман прокуратураси томонидан судга киритилган ариза орқали хокимнинг ер ажратиб бериш тўғрисидаги қарори ҳақиқий эмас деб топилди ва фуқаро У.Саидовга тегишли бўлган иморат ер майдонига қўшиб олиб қўйилди. Бундан норози бўлган фуқаро У.Саидов вилоят прокуратурасига шикоят қилди. Вилоят прокурори туман прокурорининг ҳаракатини қонуний деб баҳолади. Фуқаро У.Саидов фуқаролик судига мурожаат қилди.
Савол:
Вазиятга ҳуқуқий баҳо беринг.
Ҳоким қарорининг бекор қилиниш тартиби ва асосларини тушунтиринг.


Муаммоли савол


Олий Мажлис палаталари аъзоларининг кўпчилик овози билан Конституцияга ўзгартириш киритилди. Ушбу ҳаракат тўғрими? Ўзбекистон Республикаси Конституциясига ўзгартириш киритиш тартиби қандай?


8-масала.
2013 йилнинг ноябрь-декабрь ойларида фуқаролар йиғинлари раислари ва уларнинг маслаҳатчилари сайлови ўтказилиши бўйича Ўзбекистон Республикаси Олий Мажлиси Сенатининг тегишли қарори қабул қилинди. Мазкур сайловни ўтказиш бўйича “Гулзор” М.Ф.Й.да ҳам сайловни ўтказиш учун комиссия ташкил этилди. Сайловчиларнинг хоҳиш истакларини инобатга олган ҳолда, обрў-эътиборга эга фуқаро М.Ботиров номзод сифатида рўйхатга олинди. Комиссия томонидан мазкур номзоддан бошқаси бу лавозимга лойиқ эмас деган фикрга келиниб, сайлов куни мана шу битта фуқаро номзод сифатида сайловда қатнашди ва етарли овоз олиб М.Ф.Й. раиси этиб сайланди. Бироқ, бир гуруҳ фуқаролар сайловлар ноқонуний эканлигини кўрсатиб, судга мурожаат қилишди.