Савол: Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг

Фавқулодда ҳолат эълон қилиш ва ушбу даврда ташвиқот ва намойиш ўтказиш тартибини тушунтириб беринг.


Муаммоли савол
Олий Мажлис томонидан Ўзбекистон Республикаси Конституцияси нормаларига зид равишда қонун қабул қилинганлиги аниқланди. Ушбу қонун ким томонидан бекор қилинади?


3-масала.

2003 йил 15 март санасида Ўзбекистон Республикасида давлат ва жамият ҳаётига доир муҳим масала референдумга қўйилди. Тошкент шаҳар Учтепа туманида вақтинчалик рўйхатда турувчи Ўзбекистон Республикаси фуқароси Б.Саидов референдумга овоз бериш учун борганда овоз берувчилар рўйхатида унинг исми шарифи йўқлиги маълум бўлди. Овоз бериш участкаси котиби фуқаро Б. Саидов яшаш жойида вақтинчалик рўйхатда турганлиги туфайли сайловчилар рўйхатига киритилмаганлигини маълум қилди. Доимий турар жойида ташкил этилган овоз бериш участкасида референдумда қатнашиши тўғрисида маълумот берилди. Бундан норози бўлган фуқаро Б.Саидов прокуратура органига шикоят қилди. Прокуратура ходими ушбу масала фуқаролик ишлари бўйича судга тегишли деб шикоятни рад этди. Бу орада референдум тугаб, натижалар чиқди.

Савол:
Вазиятга ҳуқуқий баҳо беринг.
Референдумда овоз бериш тартибини қонун ҳужжатлари асосида ёртинг.


Муаммоли савол
Мустақил Ўзбекистон Конституциясини қабул қилиш учун илк ҳаракатлар қачондан бошланди? Масалани кенгроқ ёритиб беринг.
4-масала
2014 йил октябрда фуқаро Р.Рашидов сайлов участкасига мурожаат қилиб ўзини сайловчилар рўйхатига киритиб қўйишини сўрайди. Участка раиси унга аниқ сайловчилар миқдори бор эканлигини, сайловчилар рўйхатга олинган вақтда у яшаш жойида бўлмаганлиги туфайли киритилмаганлигини таъкидлайди. Ўз навбатида, Р.Рашидов бир кун аввал Ўзбекистон Республикаси фуқаролигига эга бўлганлигини ва барча фуқаролар каби сайловда иштирок этиш ҳуқуқига эгалигини айтиб ўтди. Сайлов участкаси раиси Р.Рашидов билдирган важларга эътибор қаратмасдан, рўйхатга олиш жараёни якунланганлигини ва рўйхат юқори турувчи комиссияга тақдим этилганлигини маълум қилди. Р.Рашидов юзага келган ҳолат бўйича жиноят ишлари бўйича туман судига шикоят аризаси билан мурожаат қилди.