Савол: Ўзбекистон Республикаси Вазирлар Маҳкамаси фармойишининг ҳуқуқий табиатини ёритинг

Ўзбекистон Республикаси фуқаролигини қабул қилиш тартибини муҳокама қилинг.


Муаммоли савол
Фуқаролар референдум ўтказиш ташаббуси билан чиқиш ҳуқуқига эгами? Ташаббусни амалга ошириш тартиби қандай?


19-масала
Халқ депутатлари Бухоро вилояти Кенгаши томонидан “Маҳаллий давлат ҳокимияти тўғрисида”ги Ўзбекистон Республикаси Қонунининг
15-моддаси асосида 2014 йилнинг февраль куни вилоят хорижий валюта захирасини шакллантириш мақсадида тегишли қарор қабул қилинди. Қарорда вилоят валюта фондини шакллантириш ва ундан фойдаланиш фақатгина Кенгаш розилиги билангина амалга оширилиши мумкинлиги белгиланди.
Бироқ, вилоят хокими мазкур фондда жамланган маблағларни тасарруф этиш ваколати кенгашга берилишини ноқонуний ҳамда бундай турдаги масалалар билан вилоят хокимлиги молия ишлари бошқармаси шуғулланиши лозим деб ҳисоблаб, ушбу қарорни бекор қилди.
Савол
Вазиятга ҳуқуқий баҳо беринг.
Ўзбекистон Республикасининг маҳаллий давлат ҳокимияти ва бюджет масалалари тўғрисидаги қонунчилик асосида Кенгашнинг мазкур қарорини муҳокама қилинг.


Муаммоли савол
Ўзбекистонда доимий яшайдиган фуқаролиги бўлмаган шахс Ўзбекистон халқини ташкил қиладими?
20-масала
АҚШда дам олиш учун кетган фуқаро Б.Саидов Олий Мажлисга бўлиб ўтган сайловда иштирок этиш истагини билдириб, Ўзбекистоннинг АҚШдаги элчихонасига мурожаат қилди. Лекин, элчихона ходимлари қонунчиликка кўра элчихона биносида сайлов участкаси ташкил этилмаслигини, фуқаро ўзининг Ўзбекистондаги доимий яшаш жойи бўйича ёки электрон тартибда овоз бериши мумкинлигини маълум қилишди.
Сайлов ўтказилгандан сўнг фуқаро Б.Саидов Ўзбекистонга қайтиб келиб Марказий сайлов комиссиясига сиёсий ҳуқуқлари бузилганини таъкидлаб, шикоят аризаси билан мурожаат этди. Марказий сайлов комиссияси эса сайлов ўтиб кетганлигини ҳамда элчихона АҚШ ҳудудида жойлашганлиги туфайли Ўзбекистон юрисдикциясига бўйсунмаслигини асос сифатида келтириб шикоятни қабул қилмади.