Sanoat binolari

Temir beton ashyolardan ishlanadigan yirik panelli devorlar. Temir beton ashyolardan loyixalanadigan va ishlab chiqariladigan sanoat binolarining tashqi devor panellari o‘zining issiqlik-texnikaviy xususiyatlariga qarab issiqlik saqlovchi (uteplennыe) yoki issiqlik saqlamovchi (neuteplennыe) turlarga bo‘linadi. Issiqlik saqlovchi devorlar yil davomida doimiy ravishda binoning (xonaning) tempiraturasi belgilangan miqdorlarda nazorat etib turiladigan isitiladigan binolar uchun, issiqlik saqlamovchi devorlar esa isitilmaydigan binolar (xonalar) uchun qo‘llaniladi.
Issiqlik saqlovchi devorlarning deyarli 50% dan ziyodrog‘i yig‘ma engil temirbeton (keramzitbeton, perlitbeton, shlakobeton va x.k.) konstruksiyalardan tayyorlangan panellar xissasiga to‘g‘ri keladi. Issiqlik saqlovchi yig‘ma engil temirbeton konstruksiyali panellar bir yoki bir necha qatlamli (sloy) tarzda tayyorladi. Normal issiqlik-namlik rejimiga ega bo‘lgan (ichki xarorat 18 S va namligi 60 %ni tashkil etadigan ) bino (xona)lar uchun bir qatlamli panellardan foydalanish maqsadga muvofiq keladi (panel qalinligi o‘rtacha 200-240 mm). Ikki yoki undan ziyod qatlamli panel turlaridan namlik katta bo‘lgan va xo‘l issiqlik-namlik rejimiga ega bo‘lgan bino (xona) larda foydalaniladi.
Issiqlik saqlovchi devorbop panellarning uzunligi asosiy xollarda 6,12 m, balandligi esa 0,3; 0,6; 0,9; 1,2; 1,5 va 1, 8 m balandliklarda qabul qilinadi.


Sanoat binolarida qo‘llaniladigan devor panellari:
a) - isitilmaydigan binolar devorlari uchun temir beton panellari;
b) - qovurg‘ali temirbeton devor paneli; v, g) - isitiladigan binolarda
qo‘llaniladigan engil temir beton devor panellari.

Isitilmaydigan bino (xona) lar uchun oldindan kuchlantirilgan armaturali echimga ega bo‘lgan og‘ir betonlardan tayyorlanadigan, qalinligi 70 mm bo‘lgan tekis, osma (navesnыe) devor panellaridan foydalaniladi. Panellar 6,12 m uzunlikda ishlab chiqarilib, panellarning uzunligi 12 m dan oshganda albatta ular qovurg‘alar (rebro) qo‘llanilmog‘i lozim.

U yoki bu turdagi qatlamlarga ega bo‘lgan devor paneli yoki bloklarining qo‘llanilishi xavoning tashqi tempiraturasi va xonaning ichki namlik xolatidan kelib chiqib tanlanadi.
Temir beton ashyolardan tayyorlanadigan devor panellari joylashuv o‘rniga qarab burchak paneli (panel uglovoy), qator paneli (panel ryadovoy), parda paneli (panel prostenochnыy), to‘siq paneli (panel peremыchka), parapet paneli (parapetnыy panel), karniz osti paneli (podkarniznыy panel) va karniz panellari (karniznыy panel) ga ajratiladi.
Bir qavatli sanoat binolari uchun fasadda panellarni joylashtirishning bo‘ylama (gorizontal) va tik (vertikal) yo‘nalishdagi joylashtirish qirqim-sxemalari (kompanovka sxem) mavjuddir.