Sanoat binolari

Temir beton va tabiiy tosh ashyolaridan ishlanadigan yirik blokli devorlar. Temir beton yoki tabiiy tosh materiallaridan ashyolardan ishlanadigan yirik blokli devor konstruksiyalari asosiy xollarda engil, g‘ovakli, keramzit, shlak yoki boshqa engil turga mansub betonlardan tayyorlanadi.


Sanoat binolari devorlarining yirik beton bloklari:
a – bloklarning tiplari; b- devorlarni bloklarga bo‘lish namunasi; v- blok-larni ustunlarga mahkamlash; 1- oddiy blok; 2 -burchak bloki; 3- tutashtirgich blok;

Tabiiy tosh ashyolaridan tayyorlanadigan bloklar esa to‘g‘ridan to‘g‘ri er bag‘ridagi otqindi jinslar sifatida xosil bo‘lgan ( M: tuf, rakushechnik, oxaktosh yoki boshqa turdagi) jinslardan kesib olib tayyorlanadi. Temir beton yoki tabiiy tosh ashyolaridan tayyorlanadigan yirik blokli devorlar bilan sanoat binolarini loyixalashda belgilangan sortamentga kiruvchi, asosiy xollarda uzunligi 3m gacha , balandligi 0,6; 1,2 va 1,8 m gacha bo‘lgan blok konstruksiyalaridan foydalanish tavsiya etiladi. Klimatik sharoitlardan kelib chiqib bloklarning qalinligi 300, 400 va 500 mm qabul qilinadi. Bazi xollarda yirik blokli devor konstruksiyalarini loyixalashda armaturalanmagan qalinligi 400 va 500 mm, balandligi 1,2 va 1,8 m, uzunligi esa 3,25 m bo‘lgan bloklardan foydalanish tavsiya etiladi. Ushbu xolda bloklarni T – ko‘rinishli ankerlar bilan karkaslarga maxkamlanadi.

Engil vaznga ega bo‘lgan devor panellari. So‘nggi vaqtlarda sanoat binolarini loyixalash va qurilish ishlarini amalga oshirishda temir beton va tabiiy tosh ashyolardan tayyorlanadigan devor panellari va bloklari bilan birgalikda maxsus metall profilli qoplama-taboq (list)larga ega bo‘lgan va “sendvich” turidagi panellar xamda shaffof (svetoprozrachnыy) ashyolardan tayyorlangan panellardan xam keng miqdorda foydalanilmoqda. YUqoridagi turdagi metall profil qoplamali panellar uch xil konstruktiv echimga egadir:
1. “Sendvich” turidagi karkassiz konstruksiyaga ega bo‘lgan osilib turuvchi panel, issiqlik saqlovchi penopoleuretan materialiga qizdirib maxkamlash usuli bilan ikki tomonlama joylashtirilgan engil alYuminiydan ishlangan profilli qoplama taboqdan tashkil topadi.
2. Karkasli konstruksiyaga ega bo‘lgan osilib turuvchi panel, bir tomondan ishlanib boruvchi, ikki tomonlama engil metall qoplama, ichki maxkamlash karkaslari, to‘ldiruvchi mineral paxtali yoki boshqa turdagi issiqlik saqlovchi qatlamdan tashkil topadi.
3. Karkasli konstruksiyaga ega bo‘lgan osilib turuvchi panel, ikki tomonlama azbest sementli qoplama taboq (list), ichki maxkamlash karkaslari, to‘ldiruvchi mineral paxtali yoki boshqa turdagi issiqlik saqlovchi qatlamdan tashkil topadi
SHaffof (svetoprozrachnыy) ashyolardan tayyorlangan panellar bilan sanoat binolari tashqi devorlarining konstruktiv echimlarini ishlash binoning fasadida Yuqori darajadagi badiiy-arxitekturaviy echimlarni amalga oshirish uchun keng imkoniyatlarni yaratadi. SHaffof (svetoprozrachnыy) ashyolardan tayyorlangan panellar shishaplastik (stekloplastik) mahsulotlardan tayyorlanadi va ularni turli xil engil turdagi alYuminiy yoki boshqa turdagi qoplamaga ega bo‘lgan panellar bilan birgalikda ishlatib bino fasadida sanoat korxonasining ramzini ko‘rsatuvchi yoki boshqa shakldagi pannolar va boshqa arxitekturaviy shakllarga ega bo‘lish mumkin. To‘lqinli yoki profil qoplamali panellar sanoat binosiga aloxida aniqlik kiritib uning ishlab chiqarish garmonikasiga tus bera oladi.
YUqoridagilardan tashqari turli mo‘ljallanishga ega bo‘lgan sanoat ishlab chiqarish binolari uchun yog‘och karkasli, ikki tomonlama azbest sement qoplamali, mineral paxtali plitalardan tashkil topgan engil panellardan xam foydalaniladi.