Sanoat binolari

9. Polimer mahsulotli pollar. Sanoat binolari va sanoat binolarining mamuriy maishiy binolarida polimerli mahsulotlardan ishlanadigan pollardan foydalanish keyingi paytlarda keng tus olmoqda.

Polimer mahsulotli pollar xam mastika, turli xil qorishma va betonlardan tayyorlanadi.
Xozirgi kunda polimer mahsulotlaridan loyixalanadigan va tayyorlanadigan pollarning quyidagi turlari mavjud: polivinilatsetat mastikali, furanoqorishmali, epoksid-betonli va polivinilatsetat-sementli.
a) Polivinilatsetat mastikali pollar asosiy xollarda sanoat binolarining 4-guruxiga kiruvchi ishlab chiqariladigan mahsulotlarga Yuqori darajada sifat va tozalik talablari qo‘yiladigan ishlab chiqarish xonalarida xamda sanoat binolarining mamuriy-maishiy binolarida qo‘llaniladi. Ushbu turdagi pollar gigenik tomonlardan to‘liq talablarga javob beradi, yuqori darajada eyilishga chidamli, turli xil neft mahsulotlari va yog‘lar tasiriga chidamli xamda elastiklik xususiyatiga egadir. Ularning kamchiliklariga suv o‘tkazmovchanlikka zaifligi, turli kislota, ishqor va agressiv moddalarga xamda katta statik va zarbali kuchlarga nisbatan sezuvchanligi kiritiladi.
b) Furanoqorishmali pollar furan qatroni asosida olinadigan plastik qorishmalardan tayyorlanadi. Furan qatrondan tayyorlangan plastik qorishmalar turli xil kislotalar, ishqorlar, tuzlar va eritmalar tasiriga nisbatan qarshilik ko‘rsatuvchi Yuqori darajadagi fizik-mexanik xossalarga egadir. Yuqoridagi turdagi plastik qorishmalar 200 S dan Yuqori issiqlik xaroratiga chidash bera oladi. Ular kam eyiluvchan va faqatgina kuchli oksidlanadigan moddalar tasirida yorilishi mumkin.
v) Epoksid betonli pollar siqilishda yuqori mustaxkamlikka egaligi, qattiqligi, suv o‘tkazmovchanligi, turli kislotalar va ishqorlar xavzasida yaxshi ishlashi bilan xarakterlanadi. Epoksid betonli pollar ikki yoki uch qatlamli tarzda konstruksiyalanib, pastki qatlamning asosiy qismini agressiv moddalarga nisbatan qarshiligi Yuqori bo‘lgan to‘ldiruvchilar, Yuqorigi qoplama qismini esa smola ko‘proq qo‘shilgan beton tashkil etadi.
g) Polivinilatsetat-sementli pollar oddiy va mozaikali qoplamalarga ega bo‘ladi. Oddiy qoplamalarda pollar ishqalab (zatirka) tekislanadi, mozaikali qoplamalarda esa pollarga qorishma tarkibidagi yirik to‘ldiruvchi ko‘riningunga qadar sayqallab (shlifovka) ishlov beriladi. Ushbu turdagi pollar siqilishga o‘ta mustaxkam, ekspluatatsiya davrida changimaydi va to‘zimaydi, yo’qlardan beriladigan zarbalarda uqalanmaydi, 50 S gacha bo‘lgan issiqlik xolatlariga chidamli. Ularning kamchiligiga gusenitsali transportlar xarakatlanganda polnitng sinishi va uqalanishi, pollarga turli kislota, ishqorlar, eritmalar va xattoki bazi xollarda suvning tasirida polivinilatsetatning cho‘zilishi kiritiladi.