Sanoat binolari

Pollarning aloxida konstruktiv elementlari va qismlari. Sanoat binolarining pollarini loyixalashda shunday qism va detallar mavjudki ularni loyixalash va qurilish ishlarini bajarish uchun aloxida etibor qariatilishiga to‘g‘ri keladi. Pollarning aloxida etiborga olinuvchi detal va qismlari: turli xil qoplamalarga ega bo‘lgan pollarni bir-biriga, devorlar va ustunlarga tutashtirish (primыkaniy), deformatsion choklar, temir yo‘l transporti xarakatlanadigan xududlarda pollarni qurish, pollarni tehnologik chuqurlar va turli kanallar bilan tutashtirish, pollardan oqova suvlarni oqizish uchun lotok va traplarini qurish va x.k.lar.
Pollarni o‘zaro bir-biriga, devorlar va ustunlar bilan tutashtirish (primыkaniy). Sanoat binolarining birinchi guruxiga mansub bo‘lgan va sezilarli darajada mexanik tasirlar ostida ekspluatatsiya qilinadigan (relssiz transport vositalaridan, zarbali o’qlardan, qattiq predmetlarning urilishidan va x.k.) yaxlit va choksiz pollarni (betonli, sementli, mozaikali, metallotsementli va x.k.) boshqa turdagi qoplamalarga ega bo‘lgan pollar yoki ularning aloxida uchastka yoki xududlarini bir-biri bilan tutashtirishda ular aloxida 3x30 yoki 5x50 mm o‘lchamli prokatli metall uchburchak elementlar bilan o‘rab olinadi (okaymlyaYut).

Rasm. Turli mahsulotlardan ishlangan pollarni o‘zaro bir-biri bilan tutashtirish. a)-yaxlit qoplamali pollarni tutashtirish; b)-cho‘yan plitali yaxlit pollarni tutashtirsh; v)-taxta reykali pollarni tutashtirish; 1-pol qoplamasi; 2-to‘shama; 3-asosiy to‘shama qatlami; 4- o‘rab oluvchi (okaymlyaYushie) uchburchak metall prokatli element; 5-anker; 6-ankerni maxkamlash uchun beton; 7-yog‘och reyka; 8-yog‘och tiqin (probka); 9- betonli bort devor; 10-ilmoqli anker (krYuk anker); 11-cho‘yan plita;

Uchburchak metall prokatli elementlar to‘shama qatlamlariga xar 0,5-0,6 m masofada tasmali po‘latdan tayyorlangan metall ankerlar yordamida payvandlash yo‘li bilan maxkamlanadi. Sanoat binolarining ikkinchi guruxiga mansub bo‘lgan donador mahsulotlardan ishlangan pollarni (bruschatka, g‘isht, tosh mahsulotli, klinkerdan, beton plita va x.k.) boshqa turdagi qoplamalarga ega bo‘lgan pollar yoki ularning aloxida uchastka yoki xududlarini bir-biri bilan tutashtirishda asosan pol ishlangan yoki tayyorlangan mahsulotidan tayyorlangan maxsus ko‘ndalang qator (frizovыy ryad) bilan o‘rab olinadi (okaymlyaYut). Taxta mahsulotli bo‘ylama Yuzaga (doщatыe) ega bo‘lgan pollarda tutashuv joylariga uncha qattiq bo‘lmagan to‘shama qatlamiga ko‘ndalang taxta (friz) o‘rnatiladi.

Pollarni loyixalashda devorlarni pollardan beriladigan turli xil zarbali, dinamik, tovushli va boshqa tasirlardan ximoya qilish maqsadida albatta ularning devorlar bilan tutashuvchi qismida kamida 2 sm masofa qoldiriladi.