Самиғов н. А. Бино

Полиуретан полимерлари изоционатлар ва кўп атомли спиртлар асосида синтез қилиб олинади. Полиэфир турига қараб юмшоқ эластик ва бикр полиуретан материаллар тайѐрлаш мумкин. Полиуретанлар бетонга, асбоцементга, айниқса металларга жуда катта куч билан ѐпишиш хусусиятига эга. Полиуретанлар асосида каучуклар, ўта енгил ячейкали бетонлар, иссиқлик изоляцияси ва товуш ютувчи пластмассалар, металл билан тайѐрланган уч қатламли енгил панеллар ва бошқа буюмлар олинади.
Кремнийорганик полимерлар макромолекуласи тузилишида кремний кислородли (силоксанли) боғлар бўлиши билан бошқа турдаги полимерлардан фарқланади. Уларда молекулалар кремнеземли скелет ва тармоқланган радикаллардан иборат бўлади.
Кремнийорганик полимерларда силикат моддаларга хос юқори иссиқликка бардошлилик, мустаҳкамлик ва синтетик полимерларга тегишли бўлган эластиклик, кимѐвий муҳитларга чидамлилик хусусиятлари мужассамлашган. Улар кичик молекулали кремнийорганик бирикмалардан (алкил, арил) силоксанлардан синтез қилиб тайѐрланади.
Кичик молекулали кремнийорганик полимерлар (ГЖК-10, ГЖК-11, ГЖК-93, ГЖК-94) гидрофоблик ва пластифицирловчи хоссаларга эга бўлгани учун нам шароитга чидамли фасад учун бўѐқлар, қоришма ва бетон учун қўшимчалар сифатида ишлатилади.
Чизиқли тузилишдаги юқори молекулали кремнийорганик полимерлар асосида синтетик каучуклар олинади. Улар қурилишда герметиклар, изоляцион пасталар, елимлар сифатида қўлланилади.
Ҳавойи бириккан тузилишдаги юқори молекулали кремнийорганик полимерлар 400⁰С дан ортиқ иссиқликка бардошлилик ва бикрликка эга. Улар асосида иссиққа бардошли локлар ва эмаллар, елимлар, ячейкали бетонлар, толали ва қатламли пластиклар тайѐрланади.
Целлюлоза ва оқсиллар каби табиий юқори молекулали моддаларни модификациялаб синтез қилиш усулида қурилиш материаллари учун
боғловчилар тайѐрланади. Масалан, ацетилцеллюлозадан ѐғоч ва металларни бўяш учун мустаҳкам ва сув муҳитига чидамли локлар олинади.
Синтетик каучуклар тўйинмаган углеводородларни полимеризациялаш ва сополимеризациялаш натижасида олинади. Хом ашѐ сифатида изопрен, бутадиен (дивинил), хлорпрен, изобутилен ва бошқа мономерлар ишлатилади. Ишлатилган мономернинг турига қараб изопренли, бутадиенли, хлорпренли, бутадиен-стиролли ва бошқа турдаги каучуклар тайѐрланади.

4.