Самиғов н. А. Бино

Эпоксидли полимерлар эпихлоргидрин асосида органик синтез натижасида олинади. Одатда эпоксид смоласи жигар рангли қовушоқ ҳолда бўлади. Эпоксид смоласи агрессив муҳитларга чидамли, у асосидаги композицион материаллар юқори мустаҳкамликка эгадир.
Эпоксид полимери асосида пасталар, мастикалар, қоришмалар, бетонлар тайѐрланади. Эпоксид елимлари билан металл, керамика, ѐғоч, шиша, бетон ва бошқа материаллар елимланиши мумкин. Эпоксид полимери асосидаги композицион материаллар иссиққа бардошлилиги (100-150⁰С) билан ажралиб туради.
Фуранли полимерлар (фурфурол-ацетонли мономер) фурфурол ва ацетон поликонденсацион синтез қилиб олинади. Мономер тўқ жигар рангли, ўткир хидли суюқлик бўлиб, таркибига 15-25% бензолсулфокислота сингари кучли кислоталар қўшилганда қаттиқ ҳолатга ўтади. Фуран полимеридан тайѐрланган композицион материаллар (мастика, қоришма, бетон ва ш.к.) концентрланган кислоталарга чидамли бўлади. Шунинг учун улар кимѐ саноатида, минерал ўғитлар сақлашда, махсус иншоотлар қурилишида ишлатилади. Фуран полимерлари асосидаги қурилиш буюмларини турар жой биноларида ишлатишга рухсат берилмайди.
Полиэфирли полимерлар кўпасосли кислоталарни спиртлар билан бирга поликонденсациялаб олинади. Хом ашѐ захираларининг кўплиги, нисбатан арзонлиги, полиэфир полимерлари асосидаги композицион материалларнинг санитария-гигиена талабларига жавоб бериши улардан шишапластиклар, нур ўтказувчан ва рангли безак қопламалари, санитария-
техника буюмлари (унитаз, ванна ва ш.к.), фасад учун лок ва бўѐқлар тайѐрлаш имконини беради.
Полиэфир қоришма ва бетонлари асосида сунъий гранит, мармар ва бошқа безак тошлар олиш мумкин. Полимерлар нордонлаштирувчи концентрланган кислоталарга, хлорли муҳитларга, сувга ва бошқа агрессив қоришмаларга чидамлидир.
Полиамид полимерлари икки асосли кислоталар ва диаминларни поликонденсация реакцияси асосида олинади. Улар гидроизоляция қопламаларида, бетон ва қоришмалар учун модификатор сифатида ва бошқа жойларда ишлатилади.