Самиғов н. А. Бино

Полимер боғловчи моддалар

1. Полимерлар таснифи ва тузилиши

Полимер моддалар таркиби, синтез усули ва ички тузилишига кўра таснифланади.
Полимерлар макромолекуласининг асосий занжири таркибига нисбатан учта гуруҳга бўлинади: карбонзанжирли полимерлар, яъни молекуляр занжири фақат углероддан иборат (полиэтилен, полипропилен):

| | | |
-С-С-С-С- .

| | | |

Гетерозанжирли полимерлар, яъни молекуляр занжир таркибига углерод атомидан ташқари кислород, олтингугурт, азот, фосфор (эпоксид, полиэфирлар, полиуретан ва ш.к.) атомлари киради:

| | | |
-С-О-О-С- .
| | | |
Элементорганик полимерлар, яъни асосий молекуляр занжири кремний, алюминий, титан ва бошқа баъзи бир элементлардан иборат бўлади. Кремнийорганик полимерлар шундай таркибга эга:

R R R
| | |

-Si-O-Si-O-Si- .
| | |
H H H

Полимерлар олиниш усулига кўра полимеризацион (А) ва поликонденсацион (Б) турларига бўлинади:

Полимеризацион полимерлар мономерларнинг кўп миқдордаги бир хил молекулалари қўшимча маҳсулот ҳосил қилмасдан молекуляр занжирга бирикади. Бу усулда полиэтилен, полипропилен, полиизобутилен, поливинилхлорид, полистирол, полиметилметакрилат ва ш.к. полимерлар олинади.
Полимеризация жараѐнида атом ва атом гуруҳларининг ўрни ўзгармаслиги туфайли полимер ва мономернинг кимѐвий таркиби бир хил бўлади.
Поликонденсацион полимерлар бир нечта оддий бирикмалардан таркиби аввалги маҳсулот таркибидан фарқланадиган полимер ҳосил қилади. Поликонденсацияланиш жараѐнида қўшимча моддалар (сув, аммиак, водород, хлорид ва бошқалар) ажралиб чиқади, функционал гуруҳлар ўртасида кимѐвий реакциялар содир бўлгани учун полимер ва мономер таркиби бир хил бўлмайди. Бу усулда фенолформалдегид, карбамидформалдегид, полиамид, эпоксид, полиэфир, фуран ва бошқа полимерлар олинади.
Полимерлар ички тузилиши жихатидан чизиқли ва ҳавойи (кўндаланг ва тўрсимон) турларга бўлинади.