Самиғов н. А. Бино

Полимер буюмларнинг турлари

1. Конструкцион ва тўсиқ материаллари

Конструкцион материал сифатида дисперс толасимон арматуралар билан кучайтирилган шишапластиклар, ѐғочқатламли пластиклар, сотопластлар, органик шиша, винипласт листлар, полимер қоришмалар, полимербетонлар ва бошқалар ишлатилади.
Шишапластиклар композицион листли материал бўлиб, шиша толали тўлдиргич ва полимер боғловчилар асосида олинади. Листли асос сифатида шиша толали тўқима ва нотўқима матолар ишлатилиши мумкин. Шишапластиклар олишда боғловчи сифатида фенол-формалдегид, полиэфир ва эпоксид полимерлари ишлатилади.
Шишапластиклар шиша толали тўлдиргичнинг тури ва жойлашишига нисбатан учта асосий гуруҳга бўлинади: шиша толали анизатроп материал (СВАМ), қирқилган тола асосида олинган шиша пластик ва шиша мато асосида тайѐрланадиган шишапластик (шиша текстолит).
Шиша толали анизатроп материал (СВАМ) шиша шпон листлар пакетини иссиқ ҳолда пресслаб тайѐрланади. Шиша шпон – бир томонга йўналтирилган шиша ипларни эпоксид-фенол полимерлари асосида композициялар билан елимлаб ѐпиштирилган юпқа матодир. СВАМ одатда узунлиги 1000 мм гача, эни 500 мм гача ва қалинлиги 1-30 мм бўлади.
Унинг зичлиги 1,8-2 гсм³, чўзилишдаги мустаҳкамлик чегараси 1000 МПа гача бўлиши мумкин. СВАМ кимѐвий ва биологик актив муҳитларга бардошли материалдир. СВАМ шишапластик материаллар осма панеллар, фазовий ѐпма конструкциялар, қувурлар, йирик ҳажмдаги идишлар тайѐрлашда ишлатилади.
Қирқма шиша толали шишапластиклар ясси ва тўлқинсимон кўринишда бўлиб, полиэфир полимерлари асосида ишлаб чиқарилади. Шишапластиклар узунлиги 1000-6000 мм, эни 1500 мм гача ва қалинлиги 1– 1,5 мм бўлади. Уларнинг ўртача зичлиги 1400 кгм³, чўзилишдаги
мустаҳкамлик чегараси камида 60 МПа, сиқилишда камида 90 МПа, эгилишда камида 130 МПа, ѐруғлик ўтказишдаги шаффофлиги 50-85% бўлади.
Қирқма шиша толали полиэфир шишапластиклар ѐруғлик ўтказадиган тўсиш фонарлари, шаффоф тўсиқлар тайѐрлашда, ярим шаффоф тўлқинсимон шишапластиклар эса павилонлар, соябонлар ва бошқа енгил конструкцияли бинолар томини қуриш учун ишлатилади.