Самиғов н. А. Бино

Қўшимча адабиѐтлар:

1. 
   Рекомендации по применению новых типов защитно-конструкционных полимеррастворов для реставрации и консервации памятников и исторических зданий из камня и бетона. – М.: Стройиздат, 1987
   
2. 
   Самиғов Н.А. Карбамид полимербетони (Технология ва хоссалар). Ўқув қўлланма. – Т.: ТАҚИ, 1993
   
3. 
   Самиғов Н.А., Сиддиқов И.И. Модификацияланган полимербетонлар. Ўқув қўлланма. – Т.: ТАҚИ, 2000
   

9. – БОБ. БИНО ВА ИНШООТЛАРНИ ТАЪМИРЛАШДА ИШЛАТИЛАДИГАН БИТУМ ВА ҚАТРОНЛИ БОҒЛОВЧИЛАР ВА УЛАР АСОСИДАГИ МАТЕРИАЛЛАР

ТАЯНЧ ИБОРАЛАРИ: ТАБИИЙ БИТУМ, НЕФТ БИТУМИ, ҚАТРОН, ГИДРОИЗОЛЯЦИЯ, РУБЕРОИД, ФОЛГАИЗОЛ, ИЗОЛ, ТОЛ, МАСТИКА, ЭМУЛСИЯ, АСФАЛТ ҚОРИШМА, АСФАЛТ БЕТОН

1. Умумий маълумотлар

Битумли материалларга табиий битумлар, асфалт жинслари, нефт (сунъий) битумлари ва гудрон киради.
Табиий битумлар-қовушоқ суюқлик ѐки қаттиқ моддалар бўлиб, углеводород бирикмалари ва нометалл ҳосилалар аралашмаларидан иборатдир.
Табиий битумлар нефтни ер қатламларида табиий оксидланиши (полимерланиши) натижасида ҳосил бўлади; ранги қора ѐки тўқ жигар ранг бўлади. Улар нефт конлари атрофида тоза ҳолда ер ости кўллари ва линзалари сифатида ҳамда кўп холларда чўкинди тоғ жинсларига (оҳактошлар, қумтошлар) шимилган ҳолатда учрайди. Табиий битум камчил ва нархи қиммат бўлгани учун қурилишда битум локлари сифатида ишлатилиши мумкин.
Асфалт жинслари – табиий битум шимилган ғовак тоғ жинсларидир (оҳактош, доломитлар, қумтошлар ва бошқалар). Таркибида 5-20% битум бўлган тоғ жинсларидан турли усуллар воситасида битум ажратиб олинади ѐки жинслар майдаланиб асфалт кукуни кўринишида қоришмалар ва бетонлар тайѐрлашда ишлатилади. Битум асфалт жинслардан қайноқ сувда эритиб ѐки бензол, хлороформ, скипидар, углерод сулфиди каби органик эритувчилар билан ишлов бериб олинади.