Самиғов н. А. Бино

8.1-расм. “Полиформ” плиткалари (панеллари)

8.2-расм. “Полидекор” панеллари (листлари)
Безакли устки томони ѐғоч ўймакорлиги, ўйма нақшли металлни имитация қилинади. Панелларнинг ўлчами 1850х955х0,6 мм. Улар маъмурий ва жамоат биноларининг заллари, холлари деворларини безаш учун ишлатилади.
Ёғоч-толали пардозлаш плиталари термореактив полимерлар (карбамид, фенолформалдегид смолалари ва бошқ.) билан шимдирилган ѐғоч толаларини (қамиш ва бошқа ўсимликлар) иссиқ холатда пресслаш усулида олинади.
Плиталарнинг ўнг юзаси силлиқ, битта ѐки иккита ўзаро перпендикуляр йўналишларда рустланган (дағаллаштирилган) бўлиб, синтетик эмулсия, эмалларга бўяб, ялтирамайдиган, ярим ялтироқ ва ойна жилоли қилиб ишлаб чиқарилади. Улар узунлиги 1200-2700 мм, эни 1200-1700 мм ва қалинлаги 3-6 мм бўлади. Плиталар турар жой ва жамоат биноларининг деворлари ва шипларини безашда ва мебел тайѐрлашда ишлатилади. Улар мих ва шуруплар ѐрдамида асосга ўрнатилади.
Ёғоч-пайрахали пардозлаш плиталари термореактив полимерлар ва ѐғоч пайрахалари аралашмасини иссиқ ҳолатда пресслаб олинган композицион материаллардир. Плиталар узунлиги 2500-3500 мм, эни 1250- 1750 мм ва қалинлиги 10-25 мм бўлади. Уларнинг ўртача зичлиги 600-700 кгм³. Плиталарнинг ўнг юзаси лок, эмал ва бўѐқ билан бўялади ҳамда шпон, фанер, лист пластиклар ва бошқа материаллар билан қопланади.
Уч қатламли ѐғоч-пайраҳали плиталар карбамид смоласи асосида тайѐрланади. Мустаҳкамлиги ва сувга чидамлилигини ошириш учун улар таркибига массаси бўйича 1,5% парафин қўшилади. Уларнинг ўртача зичлиги 750-850 кгм³, эгилишдаги мустаҳкамлиги 24 МПа ва сув шимувчанлиги 15% гача бўлади. Плиталар узунлиги 1440-5500мм, эни 1220-2440 мм, қалинлиги 16-24 мм ўлчамларда ишлаб чиқарилади. Улар турар жой қурилишида пол қопламалари, эшиклар қопламалари, осма шиплар, мебел тайѐрлашда ишлатилади.
Фенолит қоплаш плиткалари фенол-формалдегид смолалар, қотиргич, тўлдиргич (ѐғоч уни, каолин, талк ва бошқ.) дан иборат қоришмани иссиқ пресслаб олинади. Плиткалар 100х100 ва 150х150 мм, қалинлиги 1,5 мм ўлчамларда, турли рангларда ишлаб чиқарилади. Улар юқори мустаҳкам ва кимѐвий муҳитларга чидамли бўлиб, ишлаб чиқариш цехлари, лабораториялар, агрессив муҳит таъсири эҳтимоли бор хоналарнинг ички деворларини қоплаш учун ишлатилади.

3.