Самиғов н. А. Бино

Полбоп полимер материаллар

Ҳозирги вақтдаги қурилиш кўлами ва услуби янги прогрессив полбоп материалларни ишлаб чиқаришни тақозо этади. Полимер асосидаги полбоп ўрама ва плитка буюмлари ѐғоч, керамика ва бошқа материаллардан тайѐрланган поллардан мустаҳкамлиги, биотурғунлиги, чиройи, енгиллиги, сувга чидамлилиги ва осон ўрнатилиши билан фарқланади.
Полбоп ўрама материаллар-линолеумлар синтетик полимерларга кукун тўлдиргичлар, дисперс арматуралар, пластификаторлар, қотиргичлар, стабилизаторлар ва пигментлар аралаштириб турли усулларда тайѐрланади.
Линолеумлар боғловчининг турига нисбатан поливинилхлорид, глифтал, коллоксилинли, резина (релин) ва бошқа линолеумларга бўлинади. Улар асосли ва асоссиз, иссиқлик ва товуш изоляцияли, бир ва кўп қатламли, силлиқ ва тарам-тарам (тукли, гилам қопламали) ва рангли бўлиши мумкин. Линолеумнинг ўнг юзаси силлиқ, нуқсонларсиз, ранги тиниқ, расмлари эса чуқур солинган бўлиши керак. Линолеум ранги нур, ҳаво ва сув таъсирида ўзгармаслиги, вақт давомида зарарли кимѐвий моддаларни ажратиб
чиқармаслиги керак. Линолеум ѐтқизиладиган асос тоза, текис ва қуруқ бўлиши зарур.
Поливинилхлорид линолеум асосли ва асоссиз, бир, икки ва кўп қатламли тайѐрланади. Линолеум узунлиги камида 12 м, эни 1,2-1,6 м, қалинлиги 1,2-6 мм ўлчамларда, рангли, абстракт гулли ва сидирға турларда ишлаб чиқарилади. Линолеум битум-резинали, кумарон-каучукли ва бошқа совуқ мастикалар ва елимлар воситасида асосга ѐпиштирилади. Ётқизилган линолеумларни яхлитлаш мақсадида чоклари махсус асбоб ѐрдамида пайвандланади.
Поливинилхлорид линолеум турар жой, маъмурий ва маиший бинолар ва саноат корхоналари бинолари хоналарининг полларини қоплашда ишлатилади.
Йирик панелли ва ҳажмий-блокли темирбетон конструкциялардан қуриладиган турар жой бинолари поллари учун икки қатламли поливинилхлорид линолеумлар ишлаб чиқарилади. Иссиқлик ва товуш изоляцияси пастки қисми намат ѐки кўпиртирилган (ячейкали) пластмассадан иборат бўлади.
Поливинилхлорид линолеумлари ўрама полбоп материаллар ишлаб чиқаришнинг тахминан ярмини ташкил этади.