Самиғов н. А. Бино

Полимер пардозлаш-безак материаллари

Пардозлаш безак материалларига полимерлардан тайѐрланган биноларни ички томондан безашда ишлатиладиган, иссиқлик ва товуш изоляцияси буюмлари киради. Бундан ташқари кўпчилик тўсувчи полимер материалларни ҳам пардозлаш-безак ишларида фойдаланиш мумкин. Пардозлаш лист материалларига қоғоз қатламли манзарали пластиклар,
―полиформ‖, ―полидекор‖ манзарали панеллар ва бошқалар киради.
Қоғоз қатламли манзарали пластиклар аввалдан фенол-формалдегид, карбамид-формалдегид полимерлари шимдирилган махсус қоғозни иссиқ ҳолатда пресслаб тайѐрланади. Пластик узунлиги 1000-3000 мм, эни 600-1600 мм, қалинлиги 1-5 мм ўлчамларда лист кўринишида ишлаб чиқарилади. Пластикнинг устки қатлами турли рангда, гулли, бўртма гулли, релефли типография усулида тайѐрланган қоғоздан ясалади. Одатда расм ѐғоч (дуб, ѐнғоқ, ясен, бук) текстурасини, қимматбаҳо тошлар (мармар, малахит, янтар ва ш. к.) кўринишини ифодалайди. Бундан ташқари абстракт расмлар ҳам туширилган бўлиши мумкин.
Қалинлиги 1,6 мм бўлган пластиклар битум-резинали, эпоксидли, резорцин-формалдегидли елимлар ва мастикалар ѐрдамида маҳкамланади. Бундан қалин пластиклар асосга механик усулда (мих, шуруп воситасида) маҳкамланади.
Қоғоз қатламли пластиклар маданий, маиший, савдо, жамоат биноларининг ичини пардозлаш ва мебел тайѐрлашда ишлатилади.
Безак полистирол плиткалари (“полиформ”) зарбга чидамли полистирол полимерига кўпиртирувчи қўшимча аралаштириб тайѐрланади.
―Полиформ‖ плиткаларини қуйиш машиналари бўртма ўнг юза ҳосил бўлишини таъминлайдиган қолиплар билан жихозланган. Плиткалар ўлчами 500х500х8-10мм. Плиткаларнинг периметри бўйлаб мих ва шуруплар ўтказиш учун тешиклар қолдирилган. ―Полиформ‖ плиткалари (панеллари) билан маданий, маиший ва маъмурий биноларнинг деворлари, шиплари, интерер элементлари, суриладиган пардеворлар пардозланади.
―Полидекор‖ безак панеллар поливинилхлорид полимерларидан тайѐрланган манзарали юпқа қаттиқ пардани вакуум пресслаш усулида бўртма юзали қилиб олинади.