Samarqand iqtisodiyot va servis instituti marketing kafedrasi

Nazorat va muhokama uchun savollar:

1. 
   Xalqaro bozorni tanlashda qaysi ko‘rsatkichlarni o‘rganish muhim?
   
2. 
   Jahon bozorini segmentlashning qanday usullarini bilasiz?
   
3. 
   Bozor kon’yunkturasi nima va uni qaysi ko‘rsatkichlar tavsiflab beradi?
   
4. 
   Bozor kon’yunkturasini bashorat qilish usullarini tushuntiring.
   
5. 
   Xorijiy mamlakatlarni tanlashda qaysi omillarga e’tibor berish zarur?
   
6. 
   Maqsadli bozorlarni tanlashda qanday strategiyalar qo‘llanadi?
   
7. 
   Xorijiy bozorlarni tanlash usullariga nimalar kiradi?
   
8. 
   Xorijiy bozorlarni tahlil qilish jarayoni qanday?
   

6-MAVZU. GLOBAL BOZORGA KIRIB BORISH USULLARI VA SHAKLLARI (6 soat)


6.1-ma’ruza. Tashqi bozorga kirib borish strategiyalari, xarakteristikasi va foydalanish shartlari.
Reja:
1. Tashqi bozorga kirib borish strategiyalari.
2. Diversifikatsiya strategiyasi.


1. Tashqi bozorga kirib borish strategiyalari.
Firmalar doimo o’z bozorini doimo kengaytirib borishni, tashqi bozorlarga o’z mahsulot va xizmatlari bilan kirib borishni o’z oldiga maqsad qilib qo’yadi. Ushbu maqsadlarga erishish uchun firmalar jahon bozorlariga kirib borish yo’llarini qidiradilar. Global bozorlarga kirib borishda ma’lum kirib borish strategiyalaridan foydalangan holatda kirib boradi. Bu esa o’z navbatida korxonaning tashqi bozor imkoniyatlarini kengaytirishga yordam beradi.
Qaysi tashqi bozorga chiqish afzalroq ekanligini aniqlab, kompaniya usha bozorga kirib borish yoki kengaytirishi uchun strategiya va taktikaning asosiy turlarini tanlaydi.


Tashqi bozorlarni faol kengaytirish strategiyalari


Bozor chegaralarini kengaytirish strategiyasi yoki “eski mahsulot - yangi bozor” strategiyasi. Kompaniya mavjud mahsulotlarni yangi savdo bozorlariga, shu jumladan chet elda joriy etish bo’yicha bozor harakatlariga amalga oshiradi. Tadbirkorlik faoliyatini asosan yangi savdo bozorlarini rivojlantirish, yangi bozor segmentlarini, yangi iste’,olchilarni, turli mamlakatlardagi iste’molchilar guruhlarini va boshqalarni firmaning faoliyat sohasiga kiritish orqali faollashtirish ko’zda tutiladi.