Samarqand davlat universiteti fizika fakulteti umumiy fizika va magnetizm kafedrasi

Nazorat savollari.
1. Ta’lim tizimida qanday kamchiliklar mavjud edi?

2. 
   “Barkamol avlod” tushunchasini izohlab bering?
   
3. 
   Ta’limning uzluksizligi deganda nimani tushunasiz?
   
4. 
   Milliy ta’lim islohi necha bosqichdan iborat?
   
5. 
   Milliy ta’lim tizimini rivojlantirishning asosiy yo’nalishlarini izohlab bering?
   
6. 
   DTS qanday hujjatlarni o’z ichiga oladi?
   
7. 
   Akreditasiya so’zi qanday ma’noni anglatadi?
   
8. 
   Davlat attestasiyasi ta’lim muassasalariga qanday huquqiy nizom beradi?
   
9. 
   Reyting tizimi nima? U qanday didaktik vazifani bajaradi?
   

10. Bakalavr, magistratura, aspirantura, doktorantura va malaka oshirish tizimlarini izohlab bering?
11. Ta’lim monitoringi va internet tizimining vazifalari.


2- ma’ruza. Fizikani o’qitish uslubiyati fanining predmeti va vazifalari
Reja: FO’U mustaqil pedagogik fan, uning ilmiy izlanishi mavzulari. Fizika fani nima maqsadda o’qitiladi. Fizikadan nimalar o’tiladi va qanday o’qitiladi.
Tayanch iboralar : Ijtimoiy tuzum, materiya, moddiy, anniglyasiya abstrakt, fanlar integrasiyasi, bifurkasiya, obyektiv noaniqlik, nisbiy va absolyut haqiqat, teplorod, efir, kvark, politexnik ta’lim, komil inson.
Fizika so’zini ilk bor yunonistonlik faylasuf Aristotel (Sharqda Arastu nomi bilan mashhur bo’lgan, eramizdan avval 384-322 yillarda yashab o’tgan) asarlarida uchratamiz. Aristotel o’zining “Fizika” nomli kitobida fizika fanining shug’ullanish sohasini aniqlab bergan edi. Fizika-yunon tilida “tabiat” degan ma’noni aglatadi. U tabiat hodisalarining umumiy qonuniyatlarini o’rganadi. Fizika fan sifatida o’qitilayotgan davrdan boshlab, uning o’qitish uslubiyati ham shakllana boshlagan. Fizika va uni o’qitish uslubiyatini jamiyatning rivojlanish bosqichlari bilan birgalikda o’rganish lozim. Chunki jamiyatning rivojlanib borishi bilan u fan oldiga yangidan-yangi muammolarni hal etishni qo’yadi. Ibtidoiy, quldorlik va feodalizim jamiyatlarida ishlab chiqarish samaradorligini oshirish uchun asosan mexanik moslamalar va asbob-uskunalarga ehtiyoj tug’ilgan bo’lsa, kapitalistik ishlab chiqarish munosabatlarining yuzaga kelishi bilan mexanik moslamalar ishlab chiqarish samaradorligini oshirishga ojizlik qilib qoladi. Natijada issiqlik mashinalari, qudratli texnika va texnologik jarayonlarni yaratish ehtiyoji tug’iladi. Hozirgi kunga kelib ishlab chiqarish jarayonlarini avtomatik usulda kompyuter texnikasi orqali boshqarish hayotiy zarurat bo’lib qolmoqda. Demak, jamiyat taraqqiyoti bilan hamnafas holda fizika fani va uni o’qitish uslubiyati ham kengayib, takomillashib boradi. Fizika fani barcha tabiiy fanlarning nazariy asosi hisoblanib zamonaviy texnika va texnologik jarayonlar taraqqiyotining hal qiluvchi omili hisoblanadi. Xuddi shuningdek, fizika fani ijtimoiy-gumanitar fanlar sohasiga ham kirib bormoqda. Natijada fizika fanining mazmuni, uning o’qitish uslubiyati va vazifalari ham kengayib bormoqda.