Turli kasb egalari, bolalar, homilador va sut emizadigan

---

TURLI KASB EGALARI, BOLALAR, HOMILADOR VA SUT EMIZADIGAN 
AYOLLAR HAMDA KEKSALARNING TO‘G‘RI OVQATLANISHI 
 
Yuqorida hazm a'zolarining funksiyalari, asosiy va qo‘shimcha oziq moddalari, 
ovqatlanishning me'yoridan kam va ziyod bo‘lganida yuzaga keladigan salbiy oqibatlar, 
ovqatlanish tartibi kabi ovqat hazm bo‘lishining shart-sharoitlari bilan tanishib to‘g‘ri 
taomlanishda amal qilinishi lozim bo‘lgan ayrim qoidalari haqida fikr yuritdik. Ularning barchasi 
to‘g‘ri ovqatlanishni tushunishda, tashkil qilishda muhim ahamiyat kasb etadi. Bir vaqtning 
o‘zida shuni ham aytib o‘tish joizki kishilarning oziq moddalariga bo‘lgan talabi ularning 
dastavval yoshi, qiladigan mehnati, xususiyatlariga, ob-havo sharoitlari, yil fasllari, kayfiyati va 
boshqa omillarga bog‘liq. Buning asosiy sababi yosh o‘suvchi organizm bilan keksa odamlarda 
iste'mol qilinadigan ayrim oziq moddalariga ehtiyoj ular vujudida bo‘ladigan anabolik va 
katobolik jarayonlar bilan o‘lchansa, kuchli sportchilarda jadal metobolizm va oshiqcha energiya 
sarflashdir. Xuddi shuningdek kundalik mehnat faoliyatida muskul ishi miqdori har xil bo‘lgan 
aqliy mehnat qiluvchilar bilan davomli va og‘ir ish qiluvchi quruvchi, dala mehnatkashlarining 
ovqatlanishida oqsillar, yog‘lar, uglevodlar, vitaminlar, madanli moddalarga talab har xil bo‘ladi. 
yana sovuq mintaqalarda yashovchilar bilan issiq iqlimli o‘lkalarda istiqomat qiluvchilarning 
to‘g‘ri ovqatlanishi bir-biridan farq qiladi. Ko‘pincha keltirilgan shart-sharoitlarga rioya 
qilinmaydi masalan, ob-havoning issiq paytlari tushlikda yog‘li, go‘shtli, ovqatlar bilan 
taomlanish, yoki sut emizadigan ayollarning qo‘shimcha ovqatlanmasligi vujudda ancha muhim 
salbiy holatlar keltirib chiqaradi (tegishli holda yurak-qon tomirlari, nafas olish a'zolariga 
qo‘shimcha yuklama tushib kishi bezovta bo‘ladi va ona organizmi ozib-to‘zib o‘ziga xos 
kasalliklar, masalan alimentar distrofiya, anemiya va boshqa xastaliklar paydo bo‘ladi). 
Yuqoridagi fikrlardan kelib chiqib quyida turli kasb egalarining, bolalar va keksalarning, 
sut emizadigan va homilador ayollarning va shunga o‘xshash aholi guruhlarining to‘g‘ri 
ovqatlanishi haqida to‘xtalamiz.