С. У. Меҳмонов, Д. Й. Убайдуллаев бюджет ташкилотларида бухгалтерия ҳисоби

Йилнинг охирида ушбу субсчётлар қуйидагича ёпилади:
а) амалга оширилган хақиқий харажатлар (50.0 млн сўм)ни ёпилиши:
Дебет 230-субсчёт 50.0 млн. сўм; Кредит 231-субсчёт 50.0 млн.сўм.
б) амалга оширилган касса харажатларини (51.0 млн. сўмни) ёпилиши:
Дебет 232-субсчёт 51.0 млн. сўм; Кредит 230-субсчёт 51.0 млн. сўм.
Мазкур операциялардан кейин 230-субсчётнинг “Бош-журнал китоби”даги кўриниши қуйидагича бўлади:


Д-т 230-субсчёт
К-т

50.0 млн.сўм	51.0 млн.сўм
	1.0 млн.сўм

Яъни, жорий йилга бюджет маблағлари бўйича ташкилотнинг молиявий натижаси 1.0 млн сўмга якунланди.
Бу эса, юқорида айтиб ўтганимиздек, мазкур ташкилотнинг йил якунлари бўйича балансида қуйидаги икки ҳолатдан бири бўлиши мумкинлигини билдиради, жумладан:
а) дебиторлик қарзлар вужудга келган бўлиши;
б) ташкилотнинг номолиявий ва молиявий активларининг қолдиқ қиймати ошган бўлиши мумкин.
230 “Бюджет маблағлари бўйича жорий йилга молиявий натижалар” субсчётида ташкилотнинг бюджет маблағлари бўйича жорий йилга молиявий натижалари акс эттирилади. Ушбу субсчётнинг дебетида юқорида айтиб ўтганимиздек, йил охирида ҳисобдан чиқарилган бюджет маблағлари бўйича амалга оширилган хақиқий харажатлар акс
эттирилади, бунда 231 “Бюджет маблағлари бўйича хақиқий харажатлар” субсчёти кредитланади.
Субсчёт кредитида эса, йил мобайнида бюджетдан молиялаштирилган маблағларни (амалга оширилган тўловларни) ҳисобдан чиқарилиши акс эттирилади, бунда 232 “Бюджетдан молиялаштириш” субсчёт дебетланади.
Ҳар йил молия йилининг охирида жорий йилга бюджет маблағлари бўйича молиявий натижалар 280 “Бюджет маблағлари бўйича якуний молиявий натижа” субсчётининг кредитига (дебетига) ҳисобдан чиқарилади ва субсчёт бўйича йил охирида қолдиқ қолмайди.

№	Муомалалар мазмуни	Дт	Кт	Асос бўлувчи хужжат
1	Бюджет маблағлари ҳисобига амалга оширилган ҳақиқий ҳаражатлар ҳисобдан чиқарилганда	230	231	Бухгалтерия маълумотнома- си
2	Бюджет маблағлари ҳисобига амалга оширилган касса ҳаражатлар ҳисобдан чиқарилганда	232	230	Бухгалтерия маълумотнома- си
3	Молия йилининг охирида бюджет маблағлари бўйича жорий йилга молиявий натижалар (ижобий) ҳисобдан чиқарилганда	230	280	Бухгалтерия маълумотнома- си
4	Молия йилининг охирида бюджет маблағлари бўйича жорий йилга молиявий натижалар (салбий) ҳисобдан чиқарилганда	280	230	Бухгалтерия маълумотнома- си

230-субсчёт билан боғлиқ жорий йил охиридаги операцияларнинг схематик кўринишини қуйидагича келтириш мумкин.

5.3.1-расм. Бюджет ташкилотларида бюджет маблағлари бўйича молиявий натижани шаклланиш схемаси
Бюджет ташкилотларида амалга оширилган касса ва хақиқий харажатларининг аналитик ҳисоби 294-сон шаклдаги касса ва хақиқий харажатларни ҳисобга олиш дафтарида юритилади.