С. У. Меҳмонов, Д. Й. Убайдуллаев бюджет ташкилотларида бухгалтерия ҳисоби

босқич. Жорий йилга молиявий натижалар

босқич. Якуний молиявий натижалар

Бюджет ташкилотининг маблағ билан таъминланиш йўналишлари бўйича алоҳида ҳолда фақатгина жорий йилга, яъни 1 январдан 31 декабрга бўлган даврдаги даромадлари (бюджет мблағлари бўйича эса, амалга оширилган касса харажатлари) ҳамда мазкур даромадлар (касса харажатлари) ҳисобидан жорий йилнинг 1 январидан 31 декабрига қадар амалга оширилган хақиқий харажатларини ўзаро таққослаш (айириш) ҳисобига жорий йилни қандай молиявий ҳолат билан якунлаганлигини акс эттиради.

Бюджет ташкилотининг маблағ билан таъминланиш йўналишлари бўйича алоҳида ҳолда ўтган йилларни ҳисоби билан йиғилиб келаётган даромадлари (бюджет мблағлари бўйича эса, амалга оширилган касса харажатлари) ҳамда мазкур даромадлар (касса харажатлари) ҳисобидан амалга оширилган хақиқий харажатларини ўзаро таққослаш (айириш) ҳисобига якуний қандай молиявий ҳолатга эга эканлиги билан якунлаганлигини акс эттиради.

5.2.1-расм. Бюджет ташкилотларида молиявий натижаларни аниқлашнинг босқичлари
Жорий йилга молиявий натижаларни ижобий кўрсаткич билан якунланиши, яъни бюджет ташкилотининг жорий йилга даромадларини унинг хақиқий харажатларидан ортиқ бўлиши, икки ҳолатни англатиши мумкин. Жумладан:

а) дебиторлик қарзлар вужудга келган бўлиши мумкин;
б) ташкилотнинг номолиявий ва молиявий активларининг қолдиқ қиймати ошган бўлиши мумкин.
Масалан, бюджет ташкилотининг 2011 йил мобайнидаги бюджет маблағлари ҳисобидан амалга оширган касса харажатлари (232 субсчёт кредити суммаси) 10,0 млн. сўмни, унинг мазкур давр мобайнидаги хақиқий харажатлари (231 субсчёт дебет суммаси) 9,5 млн. сўмни ташкил қилди.
Мазкур операциялар натижасида бюджет ташкилотининг баланси қуйидагича бўлиши мумкин:
а) дебиторлик қарз вужудга келган бўлиши мумкин, яъни маблағ ўтказиб берилган (касса харажати амалга оширилган), лекин 500.0 минг сўм миқдорда товар олинмаган.