S. M. Masharipov X. S. Tadjiyeva tibbiy kimyodan amaliy mashg’ulotlar uchun darslik

AMALIY QISM
1-tajriba. Kompleks birikmalar xosil qilish
2-3 tomchi Bi(NO₃)₃ tuzining eritmasiga tomchilatib 2-3 tomchi KI eritmasidan qo’shing. Hosil bo’lgan gidroksid BiI₃ cho’kmasini KI eritmasinig mo’l miqdorida eriting. Tetrayodovismutat (III) kaliy kompleksi hosil bo’ladi.
Kompleks hosil bo’lishi tenglamasini va beqarorlik konstantasini yozing.
2-tajriba.Kationli kompleks birikma hosil qilish.
Probirkadagi bir necha tomchi NiSO₄ eritmasiga cho’kma hosil bo'lguncha NaOH eritmasidan qo'shiladi. Cho'kmali eritmaga, cho’kma Ni(OH)₂ erignucha tomchilab 25% li ammiak eritmasidan qo'shiladi. Bunda hosil bo'lgan kompleks birikma eritmasining rangli bo'lishi qaysi ionlarga bog'liq? Ni ning koordinatsion soni 6 ga tengligini hisobga olgan holda kompleks birikmaning hosil bo'lish tenglamasini yozing. Qaysi asos kuchli elektrolit hisoblanadi - Ni(OH)₂ mi yoki hosil bo'lgan kompleks asosmi? Javobingizni izohlab bering.
3-Tajriba. Kumush komplekslarining barqarorligini solishtirish..
Probirkadagi 5 tomchi AgN0₃ eritmasiga cho'kma hosil bo'lguncha NaCl eritmasidan qo'shiladi. Hosil bo'lgan cho'kmani ikkita probirkaga bo’lib, birinchi yarmi 25% li ammiak eritmasida eritiladi. Bunda kompleks birikma hosil bo'ladi. Uning hosil bo'lish tenglamasini va kompleks ionning ionlanishini yozing. Ikkinchi probirkadagi AgCl ni natriy tiosulfatda eriting boradigan reaksiyaning molekular va ion tengla­masini yozing va ikkala hosil bo’lgan komplekslarning beqarorlik konstantasini yozing. Har ikkala probirkaga KI eritmasidan qo’shib, qaysi birida AgI cho’kmasi hosil bo’lishiga qarab, komplekslarning turg’unligi haqida hulosalar chiqaring.