Резервная копия Монография Адилбекова cdr

Dog‘da qon mavjudligini qog‘ozda xromatografiya usuli bilan aniqlash. 
Tajriba o‘tkazish uchun dastlab xromatografik qog‘oz tayyorlanadi, unga grafit 
qalam yordamida eni 1 smli chiziqlar chiziladi, pastki chekkasidan 2 sm masofada 
boshlanish chizig‘i belgilanadi. Shu chiziqning ikki yoni bo‘ylab, har bir yo‘nalish 
bo‘yicha 0,3 sm dan parallel kesiklar qilinadi, juft kesiklar oralig‘i 0,4 sm atrofida 
bo‘lishi kerak. Tayyorlangan kesiklarga tekshiriluvchi dog‘dan, predmet 
tashuvchidan va ma’lum qon namunasidan bo‘lakchalar (ipchalar) o‘rnatiladi. 
Tekshiriluvchi dog‘, predmet tashuvchi va ma’lum qon namunasidan bo‘lakchalar 
(ipchalar) o‘rnatilgan xromatografik qog‘oz erituvchili shisha kameraning tubiga 
joylashtiriladi. Erituvchi qog‘ozning yuqori chekkasiga yetgandan so‘ng, qog‘oz 
shisha kameradan chiqariladi, oddiy (grafit) qalam bilan erituvchining sathi 

---

56 
belgilanadi va xona haroratida tortuvchi shkafda quritiladi. Quritilgan 
xromatografik qog‘oz dastlab 0,1% benzidinning xloroformdagi eritmasi va 
so‘ngra 3% vodorod peroksid eritmasi bilan ishlov berib, namoyon qilinadi. 
Xromatografik qog‘oz oqar suv tagida yuviladi. Xromatogramma namoyon 
qilingandan so‘ng qon pigmenti sohasi darhol ko‘k rangga bo‘yaladi, so‘ngra oqar 
suv tagida yuvilgach qon pigmenti sohasi qog‘ozning oqish fonida o‘zgarmaydigan 
turg‘un qizg‘ish-jigar rangga kiradi. Bu kabi rang o‘zgarishlar dog‘ning qon 
ekanligini tasdiqlaydi. Agar ma’lum qon namunasidagi qon pigmenti sohasi darhol 
ko‘k rangga kirsa va oqar suv tagida yuvilgandan so‘ng Rf 0,11 dan 0,15 gacha 
bo‘lgan o‘zgarmaydigan turg‘un qizg‘ish-jigar rangga kirsa, predmet tashuvchi 
namunasi esa bo‘yalmasa reaksiya ijobiy tarzda o‘tkazilgan hisoblanadi. 
Qon mavjudligini silufol plastinkada mikroxromatografiya usuli bilan