Республикаси олий ва ўрта махсус таълим вазирлиги

•Тўлиқ даромадлилик

Якуний, ёки тўлиқ даромадлилик бир йилга ҳисоблаганда ушбу облигацияни харид қилишга сарфланган харажатлар бирлигига тўғри келадиган облигация бўйича тўлиқ даромадни тавсифлайди. Бундан олдинги кўрсаткич билан ўхшашиб кетади. Фарқ фақат шундаки, ушбу ҳолатда инвестор облигацияни пули қайтарилгунга қадар ушлаб ўтирмайди.
Одатда, ОАВда пули қайтарилгунга қадар даромадлилик кўрсаткичи (ингл. Yield to Maturity, YTM) фойдаланилади. Унинг синоними – IRR, Internal Rate of Return – молия воситасининг/тўловлар оқимининг ички даромадлилиги. Молия воситасининг ички даромадлилиги деб молиявий восита тўловлари оқимининг келтирилган қиймати унинг бозор нархига тенг бўладиган даромадлиликка (дисконтлаш ставкасига) айтилади.
«Пули қайтарилгунга қадар даромадлилик» тушунчасининг маъноси шундан иборатки, у облигацияларга инвестициялар самарадорлигини нафақат купон ставкаси каби кўрсаткич бўйича, балки облигацияни харид қилиш пайтидаги нархи ва унинг пулини қайтариш вақтидаги нархи ўртасидаги фарқни ҳисобга олган ҳолда баҳолаш имконини беради.
Агар купонли облигацияни оладиган бўлсак, пули қайтарилгунга қадар даромадлиликни ҳисоб-китоб қилиш формуласи юқорида келтирилган унинг нархи формуласидан келиб чиқади. Бошқача қилиб айтганда, r (талаб қилинган даромадлилик)ни топиш лозим бўлади. Масала итерация усули билан ҳал этилиб, бу анча узоқ давом этадиган ҳисоб-китоблар билан боғлиқ. Агар бундай масала профессионал даражада юзага келадиган бўлса, у молиявий калькуляторлар, компьютер дастурлари ёки замонавий ҳисоблаш техникаси воситалари пайдо бўлгунга қадар фаол фойдаланиб келинган махсус жадваллар (Брадис математик жадваллари каби) ёрдамида ҳал этилади.
Буларнинг биронтаси қўл остида бўлмаган ҳолларда эса қуйидаги формуладан фойдаланган ҳолда пули қайтарилгунга қадар даромадлиликни тахминий ҳисоблаб чиқиш мумкин:

9. Мисол.

Облигация нархи билан бундан олдинги мисолда фараз қиламизки, бизга унинг жорий нархи маълум ($1166,52), лекин r даромадлилик номаълум.
^{r тахминий қиймати}
Биз r ҳақиқий қийматини (4%) билишимиз сабабли тахминий баҳо аниқ баҳодан қанчалик қўпол фарқ қилишини баҳолаш мумкин.