Republika e Kosovës Qeveria Ministria e Zhvillimit Ekonomik Strategjia e Kosovës për ti

2.5.Mjetet

Për ta mbështetur zhvillimin bashkëpunues të Strategjisë së Kosovës për TI, është zbatuar një gamë e mjeteve dhe instrumenteve të ndryshme. Nga pikëpamja e qasjes së shkathët për zhvillimin e strategjisë, punëtoritë e strategjisë kanë paraqitur mjetin më të rëndësishëm. Këto kanë përfshirë teknikat e moderimit si meta-plani, diskutimet grupore, sesionet e marrjes së ideve, mjetet vizuale, punët në grupe, Metodat , metodat ASE, etj. Tabela e mëposhtme paraqet një pasqyrim të mjeteve dhe instrumenteve të ndryshme të përdorura për zhvillimin e strategjisë së Kosovës për TI:

Teknikat e moderimit	Mjetet dhe instrumentet tjera
Punëtoritë e strategjisë Mjetet vizuale Metaplani Diskutimet në grup Marrja e ideve Metodat ASE	Analiza SËOT Modeli i aftësisë së industrisë së TI-së Hartat e transformimit Analiza e skenarëve Rastet e Studimit Pema logjike Korniza e strukturimit Barometri i industrisë së TI-së Matrica Ansoff

Nga pikëpamja teknike, mjeti i bashkëpunimit apo që quhet ndryshe aplikacioni grupor është paraqitur me qëllim që të mbështetet procesi i zhvillimit dhe zbatimit të strategjisë.

Mjetet e bashkëpunimit janë zgjidhje të veçanta softuerike (të bazuar kryesisht në internet), që e mbështesin bashkëpunimin në një grup në kohë dhe hapësirë. Këto mjete janë të përshtatshme për menaxhimin e proceseve të ndërlikuara të bashkëpunimit dhe projektet e përbashkëta. Ndonëse ekzistojnë zgjidhje të ndryshme, përfshirë zgjidhjet me softuer me burim të hapur (open source), është vendosur që të përdoret MS SharePoint, pasi që ky është sistem i dëshmuar që i ofron të gjitha funksionet për të mbështetur strategjinë bashkëpunuese. Përkundër asaj që shumë anëtarë të grupit punues janë të njohur me aplikacionin SharePoint dhe funksionalitetin e tij.

Është krijuar një SharePoint i veçantë për strategjinë e TI-së për Kosovë duke i ofruar funksionet kyçe si në vijim:

Figure : SharePoint për Strategjinë e Kosovës për TI

Përveç funksioneve të cekura më lartë, SharePoint i strategjisë së TI-së në Kosovë ofron shumë tipare shtesë, si bordet e diskutimit, kalendari, Wiki, rrjedha e punës, gjurmimi i detyrave, anketat, linqet etj. Siç është ilustruar në figurën 13:

Figura : Funksionaliteti i SharePoint të Strategjisë së Kosovës për TI

Me ofrimin e funksioneve të përmendura më lartë, SharePoint ka qenë platformë shumë e dobishme e bazuar në internet për komunikim dhe bashkëpunim, si dhe shpërndarje dhe menaxhim të informatave dhe njohurive relevante. Për shembull, SharePoint është përdorur për të shpërndarë informata për anëtarët e grupit punues në kuadër të aktiviteteve para modulit, si dhe për të mundësuar punën e përbashkët për dokumentin e strategjisë. Si rrjedhojë, Sistemi i SharePoint-it e ka lehtësuar bashkëpunimin në kuadër të grupit punues dhe e ka rritur produktivitetin e ekipit.

Aplikacioni ka ndihmuar edhe në krijimin e modeleve të parashikueshme të përsëritshme dhe transparente të bashkëpunimit në kuadër të procesit të zhvillimit të strategjisë, duke e përforcuar kështu efektshmërinë e metodologjisë së përdorur.

Përkundër faktit që është mjet i vlefshëm i bashkëpunimit, që e lejon shkëmbimin dhe komunikimit efikas të informatave, SharePoint nuk është zëvendësim për komunikim dhe ndërveprim të drejtpërdrejtë ballë për ballë.

3.Analiza Strategjike

Sipas metodologjisë për zhvillimin e strategjisë së Kosovës për TI që është përshkruar më parë, ky kapitull i mbulon analizat strategjike (moduli 1).

Analiza e përfshinë analizën e brendshme të industrisë së TI-së në Kosovë, me qëllim të identifikimit të aftësive, anëve të forta, problemeve dhe sfidave për këtë industri, si dhe analizën e jashtme të tregjeve të potenciale të synuara për të identifikuar kriteret e konsumatorëve dhe faktorët kyç të suksesit.

Avantazhet konkurruese gjenerohen kur një organizatë është e aftë të përshtatë burimet dhe mundësitë e saj me faktorët kyq të suksesit të industrisë(“përshtatja strategjike”).

• 
  Vlerësimi i tregjeve kyqe të eksportit
  
• 
  Identifikimi i trendeve kyqe të tregut & mundësitë
  
• 
  Definimi i shërbimeve portfolio (ofertat)
  
• 
  Identifikimi i nivelit të klientëve (customer segments) / grupet e planifikuara
  
• 
  Identifikimi i konkurruesve themelor
  
• 
  Identifikimi i kërkesave të klientëve & faktorëve kyq të suksesit
  

• 
  Analiza e mundësive të industries së TI-së ( Modeli i Mundësive të Industrisë së TI-së)
  
• 
  Identifikimi dhe analiza e pikave të forta dhe mundësive ekzistuese
  
• 
  Identifikimi dhe analiza e problemeve kyqe & sfidat
  

Analiza e brendshme

Analiza e jashtme

Analiza strategjike

Sintetizimi & Pështatja e Strategjike

1

Figura : Analiza Strategjike

Siç është ilustruar në figurën 14, qëllimi i këtij kapitulli është që të ofrojë bazën analitike për zhvillimin e strategjisë që i bashkon aftësitë e industrisë së TI-së në Kosovë me kriteret dhe faktorët e suksesit të tregjeve të synuara (parimi i përshtatjes strategjike). Kjo bëhet me qëllim të gjenerimit të përparësive të qëndrueshme konkurruese dhe bërja e industrisë së TI-së shtytës kryesor të rritjes ekonomike, punësimit dhe inovacionit.