Режа: Мотивларнинг мазмуни ва моҳияти. Мотивларнинг турлари

Барқарор каръерада ходимнинг касб фаолияти ва лавозимда ўсишида муайян чекинишларга йўл қўйилиши мумкинлиги назарда тутилади. Яъни бу ходимнинг меҳнат фаолияти муайян босқичида ўз касбини вақтинча ёки бир умрга ўзгартирганлиги, шунингдек маълумоти бўйича ихтисослигига мос келмайдиган лавозимни эгаллашига тўғри келганлигини билдиради.

Узлукли каръера ходимнинг касбда ва лавозимда ўсиши беқарор бўлишини англатади. Бу персоналнинг меҳнат фаолиятини тез-тез ўзгартириб туриши, иш жойини, корхона ва ташкилотини муттасил алмаштириши, маълумоти бўйича ихтисослигига мувофиқ бўлмаган лавозимларни эгаллаши демақдир.
Лавозимда ўсиш босқичларини аниқлашнинг услубий асоси сифатида икки: каръера тури ва бошқарув тизими омиллари ҳисобга олиниши керак (11.4- расм).

1. 
   
   Ёш мутахассис босқичи. Ўқишни тугаллаган ёшлар базавий билимларига, янги ахборотларни қабул қилиш қобилиятларига ҳамда катта салоҳият кучига эга бўладилар. Лекин кўп ҳолларда улар ўз корхона ёки ташкилотлари талабларини яхши билмайдилар. Ёш мутахассисларни сифатли компания ёки фирма учун фойдали салоҳиятларга айлантириш менежерларнинг асосий вазифасидир. Бу босқичда ёш мутахассисларнинг меҳнат жамоаси муҳитига кўникиш жараёни кечади. Улар келгусида лавозимда ўсишлари учун мазкур босқичда ўзгаларга боғлиқликлари ва бўйсунишлари заруратини тушуниб этишлари талаб қилинади.
   
2. 
   
   Каръеранинг бошланғич босқичи. Ёш мутахассислар хизмат вазифаларига оид дастлабки кўникмаларни ҳосил қилганларидан сўнг гуруҳларда ўзаро ҳамкорлик қилиш тажрибаларини эгаллашлари, шунингдек бўлинмаси ҳамда алоҳида ижрочилар мақсад ва вази-фаларни муҳокама қилишда иштирок этишлари керак. Ушбу босқичда улар учун малака ошириш йўналишларини мустақил танлашлари учун кенг имкониятлар яратиб берилиши даркор. Орттирилган тажриба уларга муайян иш участкасида мустақил фаолият кўрса-тишлари имкониятини беради. Мазкур босқичга ўтиш ходим ўз фаолияти муайян соҳасида зарур малакага эга бўлишига боғлиқдир. Ана шу иккинчи босқич келгуси касбий ўсиш учун ниҳоятда муҳимдир. Ёш мутахассислар ўзларида ишончсизликни ҳис қилиб, мустақил фаолият кўрсатишга ожизлик қилсалар, уларнинг келгуси лавозимида ўсишларига умид қолмайди.
   
3.