Режа Мавзу бўйича нашр қилинган адабиётларнинг назарий таҳлили ва амалиётдаги муаммолар

15-жадвал
Бухгалтерия балансининг ликвидлик даражалари бўйича таркибланиши

Ўзгариш-лар тартиби	Мутлақ фарқланишлардаги ўзгаришлар					Ликвидлик даражасси
1-ҳолат	А1>=П1	А2>=П2	А3>=П3	А4<=П4	Мутлақ Ликвид баланс
2-ҳолат	А1<=П1	А2>=П2	А3>=П3	А4<=П4	Ликвид баланс
3-ҳолат	А1<=П1	А2<=П2	А3>=П3	А4<=П4	Ноликвид баланс
4-ҳолат	А1<=П1	А2<=П2	А3<=П3	А4>=П4	Ночорлик ҳолатидаги баланс
Умумий ҳолат	А1+А2+А3+А4=П1+П2+П3+П4					Баланс жами

8.Молиявий ҳисобот таҳлилида қўлланиладиган усуллар: горизонтал, вертикал, тренд, коэффициентлар, қиёсий, омилли таҳлил

Хўжалик юритувчи субъектларнинг молиявий ҳолати юзасидан объектив ахборотларни олиш йўлларини белгилаб берувчи таҳлил усулларига қуйидагиларни киритиш мумкин:

молиявий ҳисоботни ўқиш;
горизонтал таҳлил;
вертикал таҳлил;
тренд таҳлили;
қиёсий (таққослама) таҳлил;
молиявий коэффициентлар;
омилли таҳлил;
Молиявий ҳисоботни “ўкиш”-деганда ташкилотнинг ташкилий-ҳуқуқий шакли, фаолиятидан қатъий назар унинг ривожланиш динамикасини аниқ ва оддий баҳолаш назарда тутилади. “Ўқиш” корхонани билишни дастлабки ўрганиш усули ҳисобланади. “Ўқиш” молиявий ҳисобот шакллари ва уларнинг сатрларида акс эттирилган манбаларни тушуниш демакдир.
Горизонтал таҳлил- молиявий ҳисоботларни горизонтал таҳлил қилиш учун (масалан, баланс) кўрсаткич (сатр) олинади ва унинг икки ёки ундан ортиқ давр мобайнида ўзгариши ўрганилади. Ҳар қандай бир хил вақт оралиғи даврлар сифатида ишлатилиши мумкин. Таҳлил қилинган даврлар сони аниқ вазифага қараб ўзгариши мумкин. 3 тадан ортиқ давр бўлганда сифатли таҳлил қилиш имкони бўлади.
Мутлақ ва нисбий фарқларни ҳисоблаш бу усулнинг муҳим элементи ҳисобланади. Мутлақ фарқ кўрсаткичнинг ўзгаришини англатади. Нисбий фарқ кўрсаткичнинг фоиздаги ўзгаришини билдиради.
Молиявий таҳлилда горизонтал таҳлилнинг қуйидаги шаклларидан фойдаланилади.
1. Ҳисобот даври молиявий кўрсаткичларни ўтган йилнинг шу даври (декада, ой, чорак) кўрсаткичлари билан таққослаш;
2. Ҳисоботнинг молиявий кўрсаткичларини ўтган йилнинг шу даври кўрсаткичи билан таққослаш (масалан жорий давр 1-чорагини ўтган йилнинг 1-чораги билан таққослаш)
3. Бир неча йиллар бўйича молиявий кўрсаткичларни таққослаш.