Радиоэлектроника асослари муҳаррир — Қ. Азимов

7.16. Ҳисоблагичлар


Ҳисоблагичлар (счётчик) рақамли қурилма бўлиб, киришга бериладиган импульсларни санаш учун хизмат қилади. Функционал белгисига қараб улар жамловчи ва айирувчи ҳисоблагичларга ажратилади. Жамловчи ҳисоблагичда навбатдаги импульс унинг хотирасидаги сонни бир бирликка оширса, айирувчи ҳисоблагичда у бир бирликка камайтирилади. Бундан ташқари ҳисоблагичлар бир вақтда ҳам жамловчи, ҳам айирувчи бўлиши мумкин. Уларни реверсив (қўшалоқ) ҳисоблагич деб аталади.
Триггерларнинг (разрядлари) орасидаги боғланиш усулига қараб ҳисоблагичнинг схемалари бевосита боғланишли, олиб ўтувчи занжирли ва комбинацияланган турларга эга. Бундан ташқари, сигнал таъсир эттирилиши усулига қараб улар кетма-кет, параллель ва ара- лаш турларга ажратилади.
7.31-расмда D — триггерда тузилган 3 разрядли бе­восита боғланишли кетма-кет ҳисоблагичнинг соддалаштирилган таркибий схемаси кўрсатилган.

7.31-расм. Кетма-кет ҳисоблагичнинг таркибин схемаси (а) ва ишлаши (а).
Бошланғич вақтда уччала триггер ноль ҳолатга келтирилади
(Q =О, =l). Агар киришга импульелар берила бошласа, триггерлар унга мос кетма-кет қайта улана бошлайди. Бунда I—триггернинг қайта уланиш даври иккита, II—триггерники—4 та, III—триггерники—8 та кириш импульсининг такрорланиш даврига тенг бўлади (7.31б- расм). Демак, ҳисоблагич кириш импульеларини 2ⁿ тартибда бўлиб (тақеимлаб) беради.
Агар бошланғич ҳолат (нолга ўрнатиш) да ҳисоблагичда 2 асосда тўғри чиқишига 111 сон, инверс чиқшига —000 сон ёзилган бўлса, у ўнли асосда тўгри чиқишда 7 сонига, инверс чиқишида эса, 0 сонига тўғрп келади.
Саналадиган биринчи импульс таъсирида 1 триггер қайта уланади ва ҳисоблагичнинг тўғри чиқишида 110, инверс чиқишида 001 сон ёзилади. У тўғри чиқишда ўнли асосда б сонига, инверс чиқиш бўйича эса, 1 сони­га тўғри келади.
Киришдаги иккинчи импульс таъсири тугагач, ҳисоблагич чиқишларида 101 (5) ва 010 (2) сонлар ҳосил бўлади. Бу тўғри чиқиш бўйича ҳисоблагич айирувчи, инверс чиқиш бўйича эса, жамловчи бўлишини кўрсатади. Киришдаги 8-импульс таъсири тугагач, ёзиш даври тугайди ва қурилма бошланғич ҳолатга ўтади.
Кетма-кет схемада рақамлар кетма-кет бир триггер­дан нккинчисига олиб ўтнлгани учун ҳисоблагичнинг тезкорлги жуда кичик бўлади. Ундан қутилиш учун унинг параллель схемасидан фойдаланилади. 7.32-расмда IK—триггерда йиғилган 2 разрядли ҳисоблагичнинг соддалаш- тирилган таркибий схемаси кўрсатилган.