Qozoqboy yoldoshev, valijon qodirov, jalolbek yoldoshbekov

Adolat va dini Islom posbonidirman.
Farmonimga quloq tuting:
Bizkim, mulki Turon, amiri Turkistonmiz.
Bizkim, millatlarning eng qadimi va eng ulug‘i Turkning bosh bo‘g‘inimiz.
Alloh Sizga madad berib, zafar yor bo‘lsin!
Naqoralar chalinsin, to yer-u osmonni Bizning lashkar suronlari chulg‘ab olsinlar.
Yog‘iylarni tahlikaga solsin bu suron.
...Yasovullar har daqiqa menga paydar-pay Yetkazishib turadilar jang tafsilotin.
Sarkardalar, Sizga ruxsat Allohu akbar!
Amirlar, sarkardalar chiqadilar Temur: (yasovulga) — Endi esa chorlang buyon Aloviddinni.
U betimsol bir iste’dod, shatranj ustasi.
Samarqanddan atay uni olib kelganman.
Aloviddin kiradi.
Aloviddin: Olampanoh, chorlamishsiz...
Temur: Ha, Aloviddin,
Sen bilan biz necha yilki shatranj suramiz.
Ammo bilki, bu galgisi boshqacha o‘yin,
Bu — boshqa jang! Donalarni ter, Aloviddin.
Aloviddin shatranj donalarini teradi. Temurda oq donalar. Eshitgansan, Aloviddin. Yoshlik chog‘imdan Men shatranjga ishqibozman. U nozik o‘yin.