Qozoqboy yoldoshev, valijon qodirov, jalolbek yoldoshbekov

Malika: Hay, kim bilan gaplashasan?
Hamlet: Qarang, ajabo,
Anuv yoqda siz hech nima ko‘rmayapsizmi? Malika: Yo‘q, hech narsa. Ko‘rmoqdaman borini faqat. Hamlet: Eshitmaysiz?
Malika: Eshitganim faqat ovozim.
Hamlet: Ana o‘zi, turibdi-ku! U yoqqa qarang,
Qarang, xuddi tirigiday turibdi otam. Sirg‘algancha eshik tomon yurmoqdadir u, Ko‘rdingizmi?
Malika: Xasta ruhning samarasi bu
Arvohlarni ko‘rsatishga mohir jazava!
Hamlet: Jazavamish! Tomiringiz kabi tomirim
Urmoqdadir har zarbasi aniq va bardam. So‘zlarimda ma’no tayin, robita mahkam, Istasangiz, so‘rang, boshdan aytib berayin. Jinni bundoq qilolmagay. Siz topgan malham Behudadir, uloqtiring. O‘ylamang illat - Qilmishingizdamas, mening kasalimda, deb. Bundoq malham chandiq etar yarani faqat, Lekin yiring ado qilur ichdan yemirib.
Tavba qiling, qilmishlarga eting tazarru. Bundan keyin hazir bo‘ling, gunohga botmang. Yomon o‘tni ildizidan yulib oturlar,
Haq so‘zlarim uchun sizdan so‘rayman afu. Xuddi bizning zamonada sohib fazilat Illat egasiga aylab karam, inoyat,
Yana undan uzri ma’zur so‘raganiday.