Qosimova R. A. Boltayev Z. B

X, bob. Sayr-sayohatlar orqali tabiat va ekologik tushunchalarni 
bolalarda shakllantirish. 

---

 
158 
 
Tabiat  mojarolari  va  ijtimoiy  hayotga  sayr-sayohatlar  qilishning 
turlari va ularning tarbiyaviy  mohiyatlari. Tabiat va jamiyatda ekologik 
muvozanatlar va ularni asrash yo’llari.  
 
O’zbekistonning tabiat manzaralari sayohat maskanlarni yaratishga 
qulayligi.  Boshlang’ich  sinf  o’quvchilari  bilan  sayr-sayohatlarni  tashkil 
qilish usullari va ularning tarbiyaviy xususiyatlari.  
 
10.1. O’zbekistonning tabiat manzaralari, tarixiy va madaniy 
yodgorliklari haqida tushunchalar.  
10.1.1. Sayohatlar haqida tushunchalar. 
 
Turizm  (sayohat)  dam  olish,  xordiq  chiqarish,  tomosha,  o’lkani 
o’rganish,  tarixiy,  moddiy  yodgorliklarga  sayr  (ekskursiya)  va  nihoyat 
jismoniy  chiniqish  kabi  qamrovi  keng  va  chuqur  ma’noga  ega  bo’lgan 
ijtimoiy  pedagogik  jarayonlarni  o’zida  to’la  mujassamlashtiruvchi 
hodisadir.  
 
Turizmning  turlari  va  shakllari  mamlakatlarning  tabiiy-geografik 
joylashishi  va  turli  sharoitlarga  ega  bo’lishi  bilan  bog’langan  bo’ladi. 
Shu  sababli,  jahon  xalqlarining  aksariyati  turizm  bilan  muntazam 
shug’ullanadi va bu ularning eng sevimli mashg’uloti hisoblanadi.  
 
Turizm  haqida  yirik  o’quv  va  uslubiy  qo’llanmalar,  ilmiy 
tadqiqotlarning  natijalari,  ayniqsa  tomoshalarni  o’z  ichiga  olgan  kino-
videofilmlar,  ko’rgazmali  vositalar  (buklet,  albom  va  h.k.)  ko’p 
uchraydi.  Ular  orasida  mahalliy  millat  vakillari,  mutaxassis  olimlar 
R.Abdumalikov 
(1971, 
1978, 
1988), 
t.X.Xoldarov 
(1988) 
R.A.Qosimova  (2008),  E.Yu.Daurenov  kabilarning  o’quv-uslubiy 

---

 
159 
qo’llanmalari,  ilmiy-ommabop  risolalari  respublika  aholisi  uchun 
manzur bo’lgan. 
 
Ularning  mazmunida  aholi,  ayniqsa  o’quvchi  yoshlar  va 
talabalarning  ommaviy  sayohatlar  bilan  shug’ullanishi,  shu  yo’l  bilan 
jismoniy  chiniqish  yo’llari,  o’lkani  o’rganish,  ijtimoiy  mehnat,  tabiatni 
muhofaza  qilish,  shikastlanganlarga  dastlabki  tibbiy  yordam  ko’rsatish, 
geologik,  arxitektura,  tarixiy  joylarni  ilmiy  qidiruv  asosida  o’rganish 
kabi jarayonlar bayon etilgan.  
 
Turizm  va  uni  tashkil  qilish  va  o’tkazishninng  usullari  keng 
ma’noda ifoda etilganligi hozirgi davrda ham muhim ahamiyatga egadir.