Qarshi davlat universiteti iqtisodiyot kafedrasi davlat boshqaruvida inson resurslari

Qobiliyat. Koʻrilayotgan shaxs muayyan ishni yaxshi bajarishga qodirmi?
Oʻziga qat’iy ishonch. Shu ishni yaxshi bajara olishiga ishonadimi?
Murakkablik. Uni yaxshi bajarish uchun koʻp kuch sarflashga toʻgʻri keladimi?
Mezonlar. Yaxshi va yomon ish oʻrtasidagi farqni tushunadimi?
Muvofiqlik. Barcha yaxshi ish uchun bir xil istagan mukofotini va yomon ish uchun bir xil kamroq mukofotni oladi deb hisoblaydimi?
Kompensatsiya. Mukofot yaxshi ish natijalariga mos keladimi?
Xarajatlar. Shaxs uchun yaxshi ish qancha turadi: nimadan voz kechish “arzonroq”? – kuch-quvvatdanmi yoki mukofotdanmi?
Oʻzaro ta’sir. Menejer oʻz xodimlari bilan muloqotga kirishadimi? (bu butun jarayonning asosiy tarkibiy qismi).
Uolter nazariyasi asosida faoliyat olib borayotgan menejerlar xodimlarga oʻz ijodiy qobiliyatlarini namoyon qilish, oʻziga ishonish va yuqori darajadagi ehtiyojlarni qondirishga imkoniyat berish orqali ularni ragʻbatlantirish mumkin deb hisoblaydilar.
Faoliyatni ragʻbatlantirishning hal qiluvchi darajadagi muvaffaqiyati mehnat motivini toʻgʻri belgilashga bogʻliq. Motivni toʻgʻri aniqlash uchun har bir xodimni maqsadga muvofiq ravishda jamoaning ishlab chiqarish faoliyatiga kiritish va kompaniyaning kuchli korporativ madaniyatini shakllantirish uchun xodimning ehtiyojlarini oʻrganish va tahlil qilish, shuningdek, motiv va ragʻbat nisbati aniq qurilgan kombinatsiyasini yaratishga rioya qilish kerak.
Amalda ichki motivni ragʻbatlantirishga qaratilgan mehnatni ragʻbatlantirish mexanizmlarining kombinatsiyasini amalga oshirish kerak. Ragʻbatlantirish va motivlashning ta’siri va oʻzaro bogʻliqligi mualliflar E.O.Kuroedov va I.B.Stoyanovskoy tomonidan "Mehnat faoliyatini motivatsiya qilish" asarida batafsil koʻrib chiqilgan. Mualliflarning ishlanmasini asos qilib olgan holda, biz ragʻbatlantirishlardan samarali foydalanish shaxsning motivatsion munosabatini qanday qoʻzgʻatishini koʻrib chiqamiz. Xodimlarni boshqarishda ehtiyojlar, qiziqishlar va ragʻbatlantirish oʻrtasidagi bogʻliqlik 7.10-rasmda keltirildi.