Qarshi davlat universiteti iqtisodiyot kafedrasi davlat boshqaruvida inson resurslari

8.3. Kadrlar zahirasini shakllantirish tamoyillari va manbalari. Zahira bilan ishlash bosqichlari

Hozirgi zamonaviy sharoitlarda va istiqbolda davlat sektorida xizmatchilarni boshqarish tizimini takomillashtirishning muhim yoʻnalishlaridan biri – bu davlat sektorida kadrlar zahirasi bilan ishlashdir. Bugungi kunda davlat boshqaruvi sektorida kadrlar zahirasini shakllantirish tizimini asoslash va yaratish kerak. Buning dolzarbligi shundaki, samarali faoliyat olib borayotgan davlat tashkilotlarining barcha boʻlimlarida tashkilotlararo va boʻlimlararo integratsiya amalga oshirilishi lozim. Chunki, davlat tashkilotlari rivojlanib borishi, ixtisosliklarining kengayishi, keng filiallar tarmogʻining tuzilishi munosabati bilan yangi boʻlim va boʻlinmalarni boshqarish uchun menejerlar va mutaxassislarga, ya’ni kadrlar zahirasiga ehtiyoj ortib boradi.

Zahirani tayyorlash muddati tugagach hamda kasbiy tayyorgarlik boʻyicha shaxsiy reja bajarilgandan soʻng zahira tayyorgarligi baholanadi (8.1-jadval).
Davlat tashkilotida kadrlar zahirasini yaratish maqsadida xizmatchilarning bilimi, malakasi, tashkilotchilik qobiliyati va boshqa fazilatlarini oʻz vaqtida aniqlash hamda turli lavozimlarda ishlash uchun muvaffaqi-yatli tayyorlash hozirgi globallashuv va raqobatchilik davrida muvaffaqi-yatga erishishning eng muhim omilidir. Shuning uchun zamonaviy davlat tashkilotlari kadrlar zahirasini shakllantirish uchun maxsus tizimlarni yaratmoqdalar.
Ushbu vazifa strategik ahamiyatga ega. Mavzuning dolzarbligi, iqtisodiyotni tarkibiy qayta qurish uning davlat sektorida kadrlar potensiali rivojlanishini boshqarishning samarali mexanizmini yaratmasdan va davlat sektorida kadrlar tayyorlash usullarini ilmiy ishlab chiqmasdan amalga oshirish mumkin emasligi bilan izohlanadi.
Demak, zamonaviy sharoitlarda davlat boshqaruviga yoʻnaltirilgan tashkilotlarda kadrlar zahirasini samarali boshqarish boʻyicha ilmiy va amaliy tavsiyalar ishlab chiqish maqsadga muvofiqdir.

8.1-jadval