Qarshi davlat universiteti iqtisodiyot kafedrasi davlat boshqaruvida inson resurslari

Klassik strategik rejalashtirish quyidagi tartibda amalga oshiriladi: avval maqsad belgilanadi, so‘ng uni amalga oshirish uchun maqbul strategiya (yo‘l) izlanadi va pirovardida buning uchun zarur resurslar (vositalar) aniqlanadi.
Bir qarashda mantiqan tuyulgan strategik rejalashtirishning bu usuli tashqi muhit (bozordagi vaziyat, raqobat, texnologiyalar va hokazolar) o‘zgarmas, barqaror bo‘lishiga asoslangan. Ammo real voqelik bu tasavvurlarni mutlaqo o‘zgartirib yubormoqda. Globallashuv, raqobatning keskinlashishi bilan bir qatorda bugungi kunda texnika taraqqiyotining yuksak sur’atlarda o‘sishining o‘zi rejalarga prinsipial jihatdan o‘zgartirishlar kiritishni hayotiy zaruratga aylantirmoqda.
Zamonaviy strategik rejalashtirish muntazam asosda biznesni va uni rejalashtirish imkoniyatlarini o‘rganishdir. Bunda birinchi o‘ringa yangi axborot texnologiyalari va moliya resurslari yordamida boshqariladigan alohida yshlab chiqarishning texnik vositalariga asoslangan yo‘llarni izlab topish chiqmoqda.Mavjud vaziyatni baholash va strategik muammolarga aniqlik kiritish zamonaviy strategik rejalashtirishda birinchi qadam hisoblanadi. Bu bosqichda quyidagi savollarga javob topish kerak:
– bozordagi o‘zgarishlar qanday namoyon bo‘lmoqda?
– korxonaning kuchli va ojiz tomonlari (umuman korxona, uning ishchanlik faolligi, foyda, bo‘limlar, guruxdar, sarmoya, mashinauskunalar va ishlab chiqarishning boshqa vositalari) nimada?
– ishlab chiqarishni kengaytirish (korxona sotib olish, yangilarini ta’sis etish, mavjud ishchanlik faoliyatini intensifikatsiyalash) imkoniyatlari mavjudmi?
– bozor bugungi kunda qanday va kelajakda u qanaqa ko‘rinishda bo‘ladi?
Personalni strategik rejalashtirishning maqsadi mavjud mehnat resurslaridan samarali foydalanish hisobiga tashkilotning uzoq muddat davomida muvaffaqiyatli faoliyat ko‘rsatishi, raqobatbardoshligi, o‘sishi va taraqqiy etishi to‘g‘risida g‘amxo‘rlikdir.


Nazorat va muhokama uchun savollar:

1. 
   Davlat xizmatlari koʻrsatish kimlar uchun amalga oshiriladi?
   
2. 
   Davlat xizmatchilari kimlar?
   
3. 
   Davlat boshqaruvida xizmat martabalari va ularning darajalari haqida tushuncha bering?
   
4. 
   Davlat xizmatining qanday asosiy elementlari bor?
   
5. 
   Ishchi kuchini strategik rejalashtirish nima?
   
6. 
   Korxonaning taraqqiyotida strategik rejalashtirishning ahamiyati haqida tushuncha bering?
   
7. 
   Strategik reja-nima?
   
8. 
   Xodimlarni rejalashtirishning asosiy vazifasi nima?
   
9. 
   Davlat boshqaruvidagi xizmat martabalari va ularning darajalari qanday?
   
10. 
    Personalni rejalashtirishni amalga oshirish uchun nimalar talab etiladi?
    
11. 
    Ish kuchiga ehtiyojni bosqichma-bosqich hisob-kitob qilish ko‘rsatkichlarini izohlang
    
12. 
    Personalni strategik rejalashtirishning mohiyatini tushuntirib bering.