Qarshi davlat universiteti iqtisodiyot kafedrasi davlat boshqaruvida inson resurslari

Taqdimot (namoyish) – bu oʻqituvchi (murabbiy, oʻqituvchi, ustoz) koʻrsatadigan va ishni qanday bajarishni aytib beradigan oʻqitish usuli. Shu bilan birga, tinglovchi (davlat xizmatchisi)ga oʻqituvchining harakatlarini takrorlash taklif etiladi (masalan, avtomobil boshqarishni oʻrganayotganda). Bu usulda ham davlat xizmatchisi oʻquv jarayonida faol ishtirok etishi lozim. Soddaligi va keng tarqalishiga qaramay, ushbu usul izchil ta’lim tizimini ta’minlamaydi va boshqa usullar bilan birgalikda yordamchi usul sifatida ishlatilishi mumkin.
Murabbiylik – yosh davlat xizmatchilarini tajribali malakali mutaxassislar tomonidan kasbiy tayyorgarligi. Bu usul avval juda koʻp ishlatilgan va yaxshi Motivatsiya qilingan.
Ishchilar almashinuvi (rotatsiya, tajribani muntazam ravishda rejali tartibda egallash) – davlat xizmatchisining qoʻshimcha vazifalar, bilim, tajriba va koʻnikmalarga ega boʻlishiga imkon beradigan holat, ya’ni xodimning bir ish joyidan boshqasiga, bir boʻlimdan boshqasiga oʻtkazilishi.
Tashkilotlardagi xodimlarning almashinuvi haqiqiy moslashuvchanlikni ta’minlashga qaratilgan boʻlib, bu masala ularni koʻp tarmoqli oʻqitish orqali amalga oshiriladi. Xodimlarning almashinuvi natijasida zahira kadrlar sonini ham oshirish mumkin.
Ish oʻrnida (tashkilotda) yoki ish oʻrnidan tashqarida oʻqitish usullari. Davlat xizmatchilari faoliyati samaradorligini oshirishda kadrlar xizmati muhim ahamiyatga ega boʻlib, u tashkilotda va undan tashqarida xodimlarni oʻqitishni muvofiqlashtiradi. Tashkilot tashqarisida malaka oshirish Davlat xizmatchilarini malakasini oshirish va kasbiy qayta tayyorlash markazlarida amalga oshiriladi. Markaz vazifalariga davlat xizmatining xodimlarini yollashdan boshlab, ularning iste’foga chiqishi bilan yakunlanadigan texnikaviy-uslubiy yordam kiradi. Yaponiya davlat xizmatchilarini qayta tayyorlash va malakasini oshirish tizimining oʻziga xos xususiyati shundaki, u vazirlik, idora, boʻlim boshqarmasi boshligʻi va viloyat hokimi oʻrinbosarigacha boʻlgan barcha mansabdor shaxslarni qamrab oladi. Ushbu amaliyot oʻzini oqlaydi, chunki rotatsiya jarayonida quyi lavozimlarni egallagan xodimlar bir necha bor ish joylarida oʻqitilib, oʻquv muassasalarida oʻz malakalarini oshiradilar. Yuqori martabali davlat xizmatchilari koʻp vaqtlarini oʻz-oʻzini oʻqitish va oʻz-oʻzini tayyorlashga yoʻnaltiradilar.