Qarshi davlat universiteti iqtisodiyot kafedrasi davlat boshqaruvida inson resurslari

Professional oʻqitish – bu taqdimot (namoyish) qilish va tushunti-rishning kombinatsiyasi boʻlgan oʻqitish usuli. Oʻquv jarayonida videofilmlar, diagrammalar va boshqa koʻrgazmali vositalardan foydalaniladi.
Mustaqil ishlash topshirigʻi bilimlarni sinash va undan foydalanishni oʻrganish shakli sifatida qoʻllaniladi. Masalan, tinglovchidan tanlangan mavzu boʻyicha biznes-reja tuzish yoki ma’lum bir davlat tashkilotida oʻtkazilgan kadrlar auditi boʻyicha tahliliy hisobot tuzish talab qilinadi.
Loyihani ishlab chiqish – bu tinglovchiga topshiriq berish shakli, uni amalga oshirish davomida olingan bilimlarni va amalda ulardan foydalanish qobiliyatini, masalan, ishlab chiqilgan loyiha hujjatlari shaklida koʻrsatish kerak.
Davlat standartiga muvofiq loyiha hujjatlari tuzilishi 9.3-jadvalda keltirilgan. Bunda loyiha yoʻnalishlarining har bir bosqichida KNOW HOWlar boʻlishi mumkin.

9.3-jadval

Loyiha hujjatlarining turlari

Hujjat nomi	Hujjat tarkibi
Texnik taklif	Texnik spestifikatsiyalarni tahlil qilish va mahsulotning mumkin boʻlgan texnik yechimlari variantlarini oʻrganish asosida tayyorlangan mahsulotni ishlab chiqishning texnik-iqtisodiy asoslarini oʻz ichiga olgan va uni ishlab chiqarishga qoʻyiladigan talablarni aniqlaydigan dizayn loyiha hujjatlari turi
Dastlabki dizayn	Asosiy dizayn yechimlarini oʻz ichiga olgan, mahsulot dizayni va ishlash tamoyili toʻgʻrisida umumiy fikr beradigan, uning maqsadiga va marketing xususiyatlariga muvofiqligini aniqlaydigan mahsulot uchun loyiha hujjatlari turi
Texnik loyiha	Yakuniy texnik yechimlarni oʻz ichiga olgan, ishlab chiqilayotgan mahsulot dizayni toʻgʻrisida tasavvur beradigan va ishchi loyiha hujjatlarini ishlab chiqish uchun zarur va yetarli ma’lumotlarni oʻz ichiga olgan mahsulot uchun dizayn-loyihalash hujjatlari turi
Dastlabki loyiha	Kontur va texnik loyihalash bosqichlarida bajarilgan loyiha hujjatlari asosida mahsulot modelini va (yoki) uning tarkibiy qismlarini ishlab chiqish va sinovdan oʻtkazish uchun moʻljallangan texnologik hujjatlar
Real (haqiqiy) loyiha	Haqiqiy loyihani ishlab chiqish yuqori darajadagi tayyorgarlikni talab qiladi va bunday vazifalarni koʻpincha talabalar jamoasi bajaradi