Qarori qishloq xo‘jaligi korxonalarini fermer xo‘jaliklariga aylantirish chora-tadbirlari to‘G‘risida

II. SUVDAN FOYDALANUVChILAR UYuShMASINI TAShKIL ETISh
Keyingi
 tahrirga qarang.
2.1. Suvdan foydalanuvchilar uyushmasi (keyingi o‘rinlarda Uyushma deb ataladi) qayta tashkil etilayotgan
qishloq xo‘jaligi korxonalari hududida o‘zaro suv xo‘jaligi munosabatlarini tartibga solib borishni ta’minlash
uchun tashkil qilinadi.
Keyingi
 tahrirga qarang.
2.2. Uyushma tuman suv xo‘jaligi organlari bilan kelishgan holda, odatda, ichki xo‘jalik sug‘orish tizimi
bo‘yicha, suvdan foydalanuvchilar ta’sis yig‘ilishi qaroriga ko‘ra tashkil etiladi. Uyushma a’zosi bo‘lmaganlarning
(dehqon xo‘jaliklari egalari, maktablar, maktabgacha bolalar, sog‘liqni saqlash muassasalarining, kommunal
xo‘jaligi va shu kabilarning) suvdan foydalanish bo‘yicha huquqi tuman qishloq va suv xo‘jaligi boshqarmalari
tomonidan himoya qilinadi.
Keyingi
 tahrirga qarang.
2.3. Bir nechta ichki xo‘jalik sug‘orish tizimlari mavjud bo‘lgan taqdirda, tuman suv xo‘jaligi organlari
tavsiyasiga ko‘ra tegishli ravishda bir nechta Uyushma tashkil etilishi mumkin.
Keyingi
 tahrirga qarang.
2.4. Uyushma o‘z faoliyatini O‘zbekiston Respublikasi qonun hujjatlariga, ta’sis shartnomasi va ustavga
muvofiq, o‘z a’zolarining pul va moddiy badallari hisobiga amalga oshiradi.
O‘z faoliyatini amalga oshirish uchun Uyushma qonunda belgilangan tartibda pul va moddiy mablag‘larni
hamda boshqa manbalarni jalb etishi mumkin.
2.5. Uyushma yuridik shaxs hisoblanadi va o‘z nomi yozilgan dumaloq muhrga, shtamp va blanklarga,
banklarda hisob-kitob va boshqa hisob raqamlariga hamda alohida mol-mulkka ega bo‘ladi.
2.6. Uyushma rahbarlari, muhandis-texnik xodimlar, tarmoqlarning va xizmat ko‘rsatuvchi xodimlarning
shtatdagi soni har yili Uyushma a’zolari umumiy yig‘ilishining qarori asosida amaldagi normativlarga muvofiq,
bajariladigan ishlar turi va hajmlari hisobga olingan holda tasdiqlanadi.
2.7. Qayta tashkil etilayotgan xo‘jalikning barcha suv xo‘jaligi obyektlari maqsadli foydalanish uchun ta’sis
shartnomasi asosida Uyushmaga beriladi.
Keyingi
 tahrirga qarang.
2.8. Uyushma o‘ziga berilgan mol-mulkni boshqaga berish, sotish, ijaraga topshirish, almashtirish, garovga
berish va vaqtinchalik foydalanish uchun taqdim etish huquqiga ega emas.
2.9. Uyushmaning o‘z a’zolari, boshqa tashkilotlar va jismoniy shaxslar bilan barcha o‘zaro munosabatlari
ta’sis shartnomasi va ustavga muvofiq tuziladigan shartnomalar asosida amalga oshiriladi.