Qan aylaniw sistemasi

Qan aylaniw ha`m dem aliw sistemalari. Basko`kirektin` arqa ta`repinde qandi ha`reketke keltiriwshi aqshil ju`rek jaylasqan. Qan aylaniw sistemasi ashiq boladi. Qan ju`rekten shiqqan tamirlar arqali dene quwislig`ina o`tip, toqimalarg`a awqatliq zatlar ha`m kislorod beredi. Bul jerden qan tamirlarg`a jiynalip sag`aqlarg`a baradi. Bul jerde kislorod suwdan qang`a o`tedi; qanda toplanip qalg`an karbonat angidrid sag`aqlari arqali suwg`a shig`adi. Kislorod penen toying`an qan ju`rek diywalindag`I u`sh jup tesiksheler arqali onin` quwislig`ina o`tedi.

Bo`lip shig`riw sistemasi. Bo`lip shig`ariw sistemasi bas ta`repinde jaylasqan bir jup jasil bezler ha`m olardin` tu`tikshelerinen ibarat. Olardin` du`zilisi jawin qurtinikine uqsas boladi. Bul bezlerdin` qaltasha siyaqli ken`eygen ushi dene quwislig`inda jaylasqan, tu`tiksheleri bolsa kelte murtlarinin` tiykarinda sirtqa ashiladi. Jasil bezler qanda erigen ziyanli zat almasiw o`nimlerin organizmnen sirtqa shig`arip jiberedi.

Nerv sistemasi. Jawin qurtiniki siyaqli jutqinshaq u`sti ha`m jutqinshaq asti tu`yinleri jutqinshaq atirapi berv saqiynasi, qarin nerv shinjirinan ibarat. Jutqinshaq u`sti nerv tu`yinlerinen ko`z ha`m murtlarg`a, jutqinshaq asti tu`yinlerinen jaqlarg`a ,qarin nerv tu`yinlerinen bolsa barliq organlarg`a nervlarg`a shig`adi.