Qan aylaniw sistemasi

Nerv sistemasi. Quslardin` bas miyi bir qansha u`lken ha`m quramali du`zilgen. Olardin` ha`r qiyli is ha`reketi bas miyinin`, a`sirese, alding`I yarim sharlarinin` ku`shli rawajlang`anlig`ina baylanisli. Quslardin` kishi miyinin` qabig`inda jiyriqlar ko`p boladi. Olardin` ha`r tu`rli quramali ha`reketleri kishi miy menen baylanisli. Biraq olardin` ko`pshilik is-ha`reketleri tuwma instinktten turadi.

Quslardin` tirishiligi dawaminda ha`r tu`rli sha`rtli refleksler payda boladi. Misali: ma`yekten shiqqan sho`jeler da`slep ko`zge ko`ringen barliq na`rselerdi shoqip ko`redi. Son` olardi jewge bolatug`inlig`in ha`m jewge bolmaytug`inlig`in zatlardi ayiriwdi u`yrenedi; o`z iyisin taniytug`in, onin` dawisi ayira alatug`in boladi. quslardin` hawada shamalap jol tawiw qa`siyetide jaqsi rawajlang`an. Bul qa`siyet quslardin` uship ketiwine ha`m uship keliwinde u`lken a`hmiyetke iye.

Quslar ha`r qiyli sesler ja`rdeminde o`z ara baylanisadi. Olardin` sayraw menen birge tinishsizliq, qorqinish, shaqiriw siyaqli, jag`daylarda bildiriwshi dawislar shig`arip, o`z tu`rleri indevitleri menen o`z ara qatnasta boladi. G`arg`a, mayna, qara shimshiq ha`m a`sirese, totilar ayirim so`zlerdi ha`m de ga`plerdi eslep qalip, qaytalay aladi.